У Мадрыдзе скончыўся судовы працэс паводле справы аб расейскай мафіі

Мафію звязваюць з Пуціным.

Паводле версіі гішпанскага следства, дэпутат Дзярждумы РФ Уладзіслаў Рэзнік разам з меркаванымі лідарамі Тамбоўскай арганізаванай злачыннай групоўкі - Іллём Траберам і Генадзем Пятровым - датычныя да адмывання грошай. Таксама ўсе трое нібыта падтрымлівалі сувязь з прэзідэнтам РФ Уладзімірам Пуціным.

У гішпанскай Нацыянальным судзе ў Мадрыдзе скончыўся cудовы працэс паводле справы расейскай мафіі, якая магла быць звязаная з урадам РФ. Пра гэта 20 красавіка паведаміла выданне The Insider.

Суд над 18 абвінавачанымі ішоў амаль два месяцы, а вынік - больш за 10 гадоў. Для дэпутата Дзярждумы РФ Уладзіслава Рэзніка пракуроры запыталі пяць гадоў турмы і €30 млн штрафу. Для астатніх падсудных - больш дробныя тэрміны і грашовыя пакаранні.

Паводле звестак праваахоўнікаў, парламентарый супрацоўнічаў з меркаванымі лідарамі Тамбоўскай арганізаванай злачыннай групоўкі - Іллём Траберам і Генадзем Пятровым.

Cтарана абвінавачвання сцвярджае, што АЗГ пераехала ў Гішпанію ў сярэдзіне 1990-х і з таго часу займалася адмываннем грошай, атрыманых у выніку забойстваў, кантрабанды зброі і наркотыкаў, вымагальніцтва, махлярства, падробкі дакументаў, подкупу і іншых злачынстваў.

Падчас слуханняў былі прадстаўлены праслухоўванні тэлефонных перамоў Пятрова, з якіх высветлілася, што праблемы «тамбоўскіх» у 2000-х дапамагаў развязаць асабіста прэзідэнт Уладзімір Пуцін, гаворыцца ў публікацыі.

У адной з запісаных гутарак, сцвярджае следства, Пятроў і Рэзнік абмяркоўваюць, што «цар» ужо падпісаў патрэбную паперу, але непакояцца, што на больш нізкім узроўні могуць пачацца праблемы. Паводле высноваў выдання, Пуцін мог быць датычны да афшорных угодаў групоўкі.

Таксама Пятроў нібыта знаходзіўся на наўпроставай сувязі з былым дырэктарам Федэральнай службы РФ у кантролі за абарачэннем наркотыкаў Мікалаем Аулавым і экс-намеснікам кіраўніка Следчага камітэта Ігарам Сабалеўскім.

Іншы меркаваны лідар АЗГ Трабер - нібыта асабліва набліжаны чалавек да кіраўніка Крамля. Выданне пісала, што як мінімум у 2004-м і 2016 годзе ён быў ганаровым госцем на днях нараджэння Пуціна.

Пятроў і Трабер хаваюцца ад гішпанскага правасуддзя ў Санкт-Пецярбургу, удакладняецца ў матэрыяле. Астатнія падсудныя - рэзідэнты Гішпаніі - знаходзяцца пад падпіскай аб нявыездзе. Рэзнік прылятаў на суд у Мадрыд і адбыў назад у Маскву.

Паводле інфармацыі The New Times, суд абвесціць прысуд у справе ў чэрвені. Працэс - вынік спецаперацыі паліцыі Гішпаніі 2008 года, калі затрымалі ўсіх цяперашніх абвінавачаных. Прэс-сакратар прэзідэнта РФ Дзмітрый Пяскоў называў «трызненнем» падазрэнні пра сувязі Пуціна з крымінальнымі аўтарытэтамі.

У верасні 2015 года брытанская газета The Times пісала, што кіраўнік Крамля спрабаваў набыць нерухомасць у Малазе праз Пятрова.