У Беларусі часцей за ўсё крэдыты бяруць жанчыны

Банкіры склалі партрэт сярэднестатыстычнага пазычальніка.

Найбольш актыўна бяруць крэдыты людзі сярэдняга веку. Як правіла, яны маюць стабільную працу, старанна плануюць свае выдаткі і цвяроза ацэньваюць фінансавыя магчымасці. Моладзь аддае перавагу невялікім пазыкам «на куплі». Усё часцей іх афармляюць студэнты або выпускнікі з першым месцам працы і нізкім заробкам. А вось пенсіянеры імкнуцца абыходзіцца без крэдытаў, аддаючы перавагу растэрміноўцы, паведамілі Thinktanks.by убанку Масква-Мінск.

Што цікава, жанчыны бяруць крэдыты больш ахвотна. Гэта збольшага тлумачыцца іх схільнасцю да імпульсіўных набыткаў. Затое сярод атрымальнікаў аўтакрэдытаў прыкметна пераважаюць мужчыны, для якіх наяўнасць свайго аўто застаецца адной з ключавых патрэб. У большасці выпадкаў беларускі пазычальнік - гэта гараджанін. Нягледзячы на развіццё электронных каналаў, на папулярнасць крэдытаў усё яшчэ ўплывае тэрытарыяльная даступнасць банка.

Як адзначаюць прадстаўнікі банка, Беларусь ахапіў крэдытны бум. Так, за паўтара года колькасць раздробных крэдытаў, выдадзеных Банкам Масква-Мінск, падскочыла ў 6 разоў. Яшчэ адна тэндэнцыя - усплёск цікавасці да растэрміноўкі. Патрэбы ў спажыўцоў часта растуць хутчэй за платаздольнасць, што фармуе попыт на Smart-карты, якія дазваляюць аплаціць куплі грашыма банка без адсоткаў.