У Гомелі развіталіся з маці Міхаіла Жызнеўскага
9- 5.05.2018, 21:08
- 32,787
Маці Героя Украіны быў усяго 61 год.
У суботу пад Гомелем пахавалі маці забітага на Еўрамайдане ў Кіеве гамельчука Міхаіла Жызнеўскага. У жалобнай цырымоніі ўдзельнічаў першы сакратар Пасольства Украіны ў Беларусі Іван Башняк і іншыя прадстаўнікі дыпмісіі, піша kp.by.
Ніне Жызнеўскі быў усяго 61 год. Трохі менш за месяц таму, 8 красавіка, памёр бацька Героя Нябеснай Сотні.
- Разам з вамі падзяляем смутак і страту. Цяжка дачцэ праводзіць сваю маці ў апошні шлях. Але яшчэ цяжэй было выпраўляць маці свайго сына Міхаіла ў апошні шлях. Тыя няпростыя моманты жыцця, магчыма, і адбіліся на здароўі Ніны Васільеўны. Мы пакланяемся маці Героя Украіны за тое, што яна нарадзіла годнага сына, - выступіў на могілках першы сакратар украінскага пасольства.
Таксама падчас жалобнай цырымоніі зачыталі словы прэзідэнта Украіны Пятра Парашэнкі:
- Гэтая сям'я паказала нам гераічны прыклад самаахвярнасці дзеля ідэалаў свабоды і годнасці.
У апошні шлях Ніну Жызнеўскую праводзілі прадстаўнікі грамадскасці Гомеля, якія дапамаглі дачцэ Наталлі арганізаваць пахаванне.