Блогер з Калінкавічаў арганізаваў фінансавую піраміду

Даход склаў больш за 200 тысяч даляраў.

Дзейнасць фінансавай піраміды «Элеўрус» спыніла мазырская фінансавая міліцыя. Арганізаваў яе блогер з Калінкавічаў сумесна з некалькімі грамадзянамі Беларусі і Расеі. Укладчыкам яны абяцалі да 365% гадавых, паведамляе падрабязнасці Камітэт дзяржаўнага кантролю, паведамляе tut.by.

Як усталявалі работнікі фінансавай міліцыі, жыхар горада Калінкавічы, вядомы сваёй блогерскай дзейнасці на відэахостынгу YouTube, у 2015 годзе разам з некалькімі грамадзянамі Беларусі і Расеі арганізаваў на тэрыторыі рэспублікі дзейнасць незарэгістраванай сацыяльнай фінансавай сеткі «Элеўрус».

Арганізатары піраміды пераконвалі грамадзян укладваць грошы, у тым ліку электронныя, абяцаючы ўкладчыкам гарантаваны даход - да 365% гадавых. Большасць удзельнікаў «Элеўруса» не толькі ўкладвалі свае грошы, але і актыўна прыцягвалі іншых грамадзян, бо за гэта прадугледжвалася ўзнагароджанне.

Для актыўнай рэкламы арганізатары задзейнічалі сацыяльныя сеткі і відэахостынг YouTube. Лідар «Элеўруса» праводзіў нямала сустрэч з дзейнымі і патэнцыяльнымі ўдзельнікамі фінансавай піраміды. Інфармацыйныя прэзентацыі праходзілі ў Менску, Маладзечна, Берасці, Пінску, Баранавічах, Жлобіне, Мазыры, Калінкавічах і іншых гарадах Беларусі.

У сваіх выступах арганізатар казаў, што гэта фонд узаемадапамогі, створаны для аказання падтрымкі дзецям, пенсіянерам. Ён таксама абяцаў, што ўклады будуць інвеставацца ў розныя праекты, якія ў перспектыве прынясуць дадатковы даход.

Пра тое, што даход укладчыкаў фармуецца толькі за кошт прыцягнення грашовых сродкаў ад новых людзей, арганізатары і мэнэджары фінансавай сеткі замоўчвалі.

Грошы ўкладчыкаў яны пераводзілі на рахункі, адкрытыя ў беларускіх банках на мэнэджараў «Элеўруса» (так званых захавальнікаў), якія ў сваю чаргу пераразмяркоўвалі сродкі паводле ўсталяваных правілаў удзелу.

У выніку злачыннай дзейнасці арганізатар і актыўныя сябры фінансавай сеткі атрымалі даход сумаю больш за 400 тысяч рублёў.

Распачатая крымінальная справа паводле ч. 3 арт. 233 КК (Незаконная прадпрымальніцкая дзейнасць, якая ажыццяўляецца арганізаванай групай).

Арганізатар фінансавай піраміды знаходзіцца пад вартай, яму выстаўленае абвінавачанне. Вядзецца следства.