У Іране жанчын упершыню за 39 гадоў пусцілі на стадыён
1- 21.06.2018, 14:27
- 9,389
Забарону знялі пасля сядзячага страйку перад арэнай у Тэгеране.
У сераду нацыянальная каманда Ірана саступіла гішпанцам з лікам 0:1 у другім туры групавога этапу ЧС-2018.
Але іранскія жанчыны святкавалі перамогу - упершыню за 39 гадоў яны патрапілі на стадыён і глядзелі трансляцыю матчу на тэгеранскай арэне Азад. Пра гэта піша Sports.ru.
За тры гадзіны да матчу іранкам адмовілі ва ўваходзе на стадыён, але яны наладзілі сядзячы страйк перад стадыёнам - і ў выніку трыбуны адкрылі для ўсіх. Ці змогуць жанчыны хадзіць і на самі гульні, пакуль невядома.
Azadi Stadion #Teheran. Männer und Frauen schauen Fußball. Normalerweise nicht erlaubt. Heute beim Public Viewing #Iran #Spanien nach zunächst Verbot dann doch. #WM2018 pic.twitter.com/TBXJuHLgpr
— Natalie Amiri (@NatalieAmiri) 20 июня 2018 г.
Жанчыны ў Іране не маглі наведваць стадыёны з 1979 года - з часоў Ісламскай рэвалюцыі, якая забараніла жанчынам хадзіць з непакрытай галавой, спяваць і танчыць у прысутнасці мужчын.
Жанчыны ў Іране не могуць быць суддзямі, бо, на думку ўладаў, «залішне эмацыйныя». Голас жанчыны ў судзе мае самую нізкую каштоўнасць. Калі адбываецца няшчасны выпадак, у выніку якога загінула жанчына, віноўнік плаціць яе сям'і ўдвая менш, чым у выпадку, калі загінуў мужчына.
