У «Новай Гуце» ўтварылася чарга з турыстычных аўтобусаў на выезд ва Украіну

У сярэднім на мяжы стаіць адначасова два дзясяткі рэйсавых аўтобусаў.

У міжнародным аўтадарожным кантрольным пункце «Новая Гута» ўтварылася чарга на выезд ва Украіну з аўтобусаў з кліентамі турыстычных фірмаў. Пра гэта БелТА паведаміў афіцыйны прадстаўнік Дзяржаўнага памежнага камітэта.

Пачынаючы з поўдня 14 ліпеня турыстычныя групы масава прыбываюць да гэтага пункта - па 5-6 аўтобусаў адначасова. З 14.00 рэгістрацыі на выезд даводзіцца чакаць у сярэднім двум дзясяткам рэйсавых аўтобусаў.

«Пры гэтым у найбліжэйшых пунктах, здольных прымаць аўтобусы, чэргаў не назіраецца, што кажа пра недастаткова эфектыўнае планаванне маршрутаў з боку тураператараў. Турыстычныя кампаніі не ўлічваюць рэкамендацыі Дзяржаўнага памежнага камітэта аб мерным размеркаванні аўтамабільных перавозак груп турыстаў, якія як накіроўваюцца як на адпачынак, так і вяртаюцца ў краіну», - адзначыў Антон Бычкоўскі.

«Задзейнічаныя ўсе працоўныя месцы з прыцягненнем рэзэрваў. Памежны кантроль займае не больш за 10 хвілін на адзін такі транспартны сродак пры нарматыве - 15 хвілін. З 14.00 да 18.00 зарэгістраваныя 22 турыстычныя аўтобусы. Пры тым што прапускная здольнасць "Новай Гуты" складае 4 аўтобусы за гадзіну. Тым не менш пры такой колькасці транспартных сродкаў час чакання можа дасягаць 6 гадзін», - канстатаваў Антон Бычкоўскі.