Арменія ведае, як вырвацца з «абдымкаў» Крамля

Ерэвану трэба хутка дыверсіфікаваць гандаль.

Арменія атрымала рэдкую магчымасць аслабіць залежнасць ад Расіі, аднак Маскве выгадна не даць Ерэвану дастаткова часу для павароту на Захад. Пасля перавыбрання Нікола Пашыняна у чэрвені супрацьстаянне вакол знешнепалітычнага курсу краіны стала прыкметна больш вострым, піша CEPA (пераклад — сайт Charter97.org).

Ерэван абвясціў пра намер падаць заяўку на ўступленне ў ЕС. Прэм'ер-міністр разумее, што гэты працэс можа ўмацаваць эканоміку і бяспеку краіны, але рэзкі разрыў з Масквой пакуль немагчымы. Расія застаецца найбуйнейшым гандлёвым партнёрам Арменіі і галоўным рынкам для яе алкаголю, харчовых прадуктаў і іншай прадукцыі.

У Крамлі патрабуюць ад Пашыняна вызначыцца паміж ЕС і Еўразійскім эканамічным саюзам. Пуцін прапануе правесці рэферэндум, заяўляючы, што ўдзел у двух інтэграцыйных аб’яднаннях несумяшчальны.

Пры гэтым Масква ўжо выкарыстоўвае гандаль як інструмент ціску. У маі Расія абмежавала імпарт армянскай прадукцыі, нягледзячы на сяброўства Арменіі ў ЕАЭС. Пашынян асабіста прасіў Пуціна скасаваць забарону, а цяпер Ерэван афіцыйна запатрабаваў ад самога саюза зняць расійскія абмежаванні.

«Галоўнае пытанне для Арменіі цяпер у тым, ці здолее яна дастаткова хутка дыверсіфікаваць гандаль, каб вытрымаць далейшы ціск Масквы», — лічаць аўтары.

Сітуацыя істотна адрозніваецца ад 2013 года, калі Арменія адмовілася ад пагаднення з ЕС і далучылася да расійскага Мытнага саюза. Тады закрытыя межы з Турцыяй і Азербайджанам, а таксама залежнасць ад Расіі як пастаўшчыка энергіі і гаранта бяспекі моцна абмяжоўвалі выбар Ерэвана.

Цяпер умовы змяняюцца. Арменія развівае сувязі з ЕС, краінамі Персідскага заліва і іншымі рынкамі. Аб’ём гандлю з Расіяй за першыя пяць месяцаў 2026 года скараціўся на 20,5%, а экспарт Арменіі ў ЕС у першай палове года вырас больш як на 80%.

ЕС таксама выдзеліў Ерэвану 52 млн еўра і на два гады спрасціў доступ армянскіх тавараў на еўрапейскі рынак.

«Гэтыя два гады павінны стаць для Арменіі не часовай дапамогай, а дэдлайнам для стварэння ўстойлівых гандлёвых сувязяў з Еўропай», — перакананыя аўтары.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com