Відэафакт: У Віцебску ДАІшнік на трэніроўцы зваліўся з байка

Калега, які ехаў за ім не паспеў спыніцца.

У Віцебску падчас трэніроўкі мотабатальёна спецпадраздзялення «Страла» інспектар не справіўся з кіраваннем матацыклам і ўпаў. Пасля гэтага на яго ўчыніў наезд іншы супрацоўнік. Відэа інцыдэнту з'явілася ў групе «Віцебск на колах» ва «ВКонтакте».

Як паведамілі tut.by у міліцыі, супрацоўнік ДАІ не атрымаў ніякіх траўмаў і возьме ўдзел у паказальных выступах на закрыцці фестывалю «Славянскі базар».

Нагадаем, 16 ліпеня ў цэнтры Віцебска на плошчы Перамогі выступяць супрацоўнікі спецпадраздзяленняў «Страла», «Віцязь» і АМАП. У сувязі з гэтым з 19.00 да 20.00 абмяжуюць рух усіх відаў транспарту - ад плошчы Свабоды да Маскоўскага праспекта.