Берасцейскае «Дынама» найбліжэйшым часам развітаецца з Мілеўскім і Гаўрыловічам?
2- 19.07.2018, 9:29
- 9,258
Пастанова можа быць звязаная з парушэннем дысцыпліны.
Як стала вядома Tribuna.com, берасцейскае «Дынама» найбліжэйшым часам развітаецца з Арцёмам Мілеўскім і Аляксеем Гаўрыловічам. Адна з крыніц, блізкая да клубу, паведаміла, што гэта пастанова можа быць звязаная з парушэннем дысцыпліны.
Таксама існавала рызыка развітання з Паўлам Савіцкім. Аднак на гэты момант ён застаецца ў камандзе.
Адзначым, што Гаўрыловіч з'яўляецца капітанам каманды. У гэтым сезоне правёў 13 матчаў, поўная статыстыка тут.
Мілеўскі мае другі вынік у камандзе паводле сістэмы «гол+пас» - на ягоным рахунку 10 (3+7) балаў у 14 матчах. Поўная статыстыка Мілеўскага тут. Найлепшы паказчык толькі ў Савіцкага 13 (9+4) балы. Таксама Савіцкі з'яўляецца найлепшым бамбардзірам чэмпіянату Беларусі.
Раней галоўны трэнер «Дынама» Аляксей Шпілеўскі казаў пра тое, што Мілеўскі яшчэ не да канца раскрыў свой патэнцыял.