«Пуцін, як дажыць да пенсіі ?!»: ля Дзяржаўнай думы РФ прайшлі пратэсты
7- 19.07.2018, 14:54
- 18,231
Павышэнне пенсійнага веку прымаецца расейцамі адмоўна.
У Маскве каля будынка Дзяржаўнай думы Расеі, якая сёння прыняла ў першым чытанні ўрадавы законапраект аб павышэнні пенсійнага веку, прайшлі адзіночныя пікеты супраціўнікаў рэформы. Пра гэта паведамляе карэспандэнт "Радыё Свабода".
У акцыях узялі ўдзел лідэр "Камуністаў Расіі" Максім Сурайкін, чалец партыі "Яблоко" Сяргей Мітрохін і каардынатар руху "Левы фронт" Сяргей Удальцоў.
Люди подняли плакаты, стоят в одиночных пикетах, Левый Фронт держит плакаты «Повышение пенсионного возраста - это геноцид!» pic.twitter.com/KsauXraHLT
— Сергей Удальцов (@s_udaltsov) 19 июля 2018 г.
Паводле ацэнкі Удальцова, ля будынка Думы сабралося блізу 200 чалавек. Да іх выйшлі дэпутаты ад КПРФ і "Справядлівай Расіі", якія кажуць, што будуць галасаваць супраць законапраекта. Паводле "Інтэрфакса", там жа знаходзяцца прыхільнікі пенсійнай рэформы. Паліцыя не ўмешвалася ў падзеі.
У Санкт-Пецярбургу рух "Время" правёў акцыю "Дачакаўся пенсіі", пасадзіўшы на ганак прыймальні "Адзінай Расеі" шкілет з адпаведнай шыльдачкай.
