Як лепш за ўсё прабавіць лета ў горадзе

Галоўнае - правільна размеркаваць вольны час.

Спякота, ліпень, сябры раз'ехаліся хто куды, а ваш адпачынак прыпадае на восень? Гэта не падстава бедаваць пра тое, што лета праходзіць міма! Галоўнае - правільна размеркаваць вольны час. Тады вы не толькі паспееце нацешыцца сонцам і цяплом, але і выдатна прабавіце час, піша aif.ru.

Распавядае кандыдатка псіхалагічных навук, нэйрапсіхолаг Святлана Шышкова:

1. Правільна размяркуйце вольны час

Раніца да працы, вечар пасля працоўнага дня і суботы-нядзелі, прабаўленыя на свежым паветры або на прыродзе - гэта цалкам дастаткова, каб не адчуваць сябе замкнёным у каменным гушчары.

Вазьміце за правіла раніцай уставаць на паўгадзіны раней, чым зазвычай, каб да працы паспець прабегчыся, пракаціцца на ровары або прайсціся. Калі Ваш аздараўленчы маршрут будзе праходзіць праз парк або сквер - працоўны дзень Вы пачняце зусім у іншым настроі.

Як бы Вы ні стаміліся, пасля працы не спяшайцеся дадому. 2-3 разы на тыдзень ладзьце з сябрамі вячоркі на прыродзе - гэта выдатны рэлакс на заканчэнне працоўнага дня.

2. Пасябраваць з сонцам

У суботы-нядзелі канечне выбірайцеся на пляж. Ёсць звесткі, што ў Расеі ад дэфіцыту вітаміну D пакутуе 40-60% насельніцтва. І гэта нядзіўна, калі прыняць да ўвагі, што вітамін D выпрацоўваецца ў арганізме пад уплывам сонечных прамянёў. Паколькі зіма ў нашых абшарах доўжыцца амаль паўгода, сонечны голад адчуваюць амаль усе жыхары нашай краіны.

Каб папоўніць запасы сонечнага вітаміну ў арганізме, не абавязкова ехаць за тры моры. Цалкам дастаткова выбірацца на пляж кожныя выхадныя.

3. Займіцеся ўнутраным турызмам

Альтэрнатыва пляжнаму адпачынку - паходы выходнага дня. Гэта незаслужана забыта, але выключна прыемны і карысны вольны час. У інтэрнэце вы знойдзеце процьму варыянтаў - як зусім кароткіх (на 3-4 гадзіны), так і працяглых (на 1-2 дня). Выглядае гэта прыкладна так: людзі рознага ўзросту і прафесій сустракаюцца на вакзале, дабіраюцца да адпраўнога пункту, ад якога ідуць пешшу 5-10-15 км - з экскурсаводамі і/або інструктарамі.

У выніку вы прабавіце на прыродзе цэлы дзень, выканайце тыднёвую норму фізічнай актыўнасці, пазнаёміцеся з цікавымі людзьмі (такія паходы арганізоўваюць энтузіясты, камунікацыя з якімі падсілкоўвае напоўніцу) і, нарэшце, даведаецеся, колькі цікавага знаходзіцца ад вас на адлегласці выцягнутай рукі.

4. Ужывайце сезонныя гародніну і садавіну

Максімальная колькасць карысных рэчываў утрымлівае садавіна, якая выспявае тут і цяпер. Знайдзіце з дапамогай пошукавіка найбліжэйшы да свайго дома або месца працы калгасны рынак і наведвайцеся туды рэгулярна.

Рэгулярна ўжываючы свежую гародніну і садавіну, вы прыемна здзівіцеся пераменам, якія адбудуцца ў вашым самаадчуванні.

5. Зладзьце курорт дома

Ванны з марской соллю, лячэбнымі травамі і г.д. вы можаце прыгатаваць сабе самастойна. І эфект ад іх будзе сапраўды такі ж, як у санаторыі, дзе іх рыхтуюць з тых жа аптэчных канцэнтратаў.

Эфектыўнасць хатняй фізіятэрапіі залежыць толькі ад рэгулярнасці працэдур. Лячэбны эфект будзе прыкметны з 8 працэдуры працягласцю 10-20 хвілін.

6. Займіцеся спортам на свежым паветры

Лета - той час года, калі заняткі ў душным фітнэс-цэнтры ці спартзале трэба замяніць трэніроўкамі на прыродзе. Урокі ёгі, танцкласы цяпер праводзяцца ў многіх парках. Галоўнае - даведацца расклад і запрасіць туды сяброў, якія таксама бавяць лета ў горадзе.