У аэрапорце Прагі праз задымленне на борце самалёта эвакуавалі 100 пасажыраў

Людзей эвакуавалі па надзіманых трапах адразу пасля пасадкі самалёта.

Блізу 100 пасажыраў самалёта авіякампаніі Tunisair былі эвакуаваныя ў нядзелю раніцай у міжнародным аэрапорце імя Вацлава Гаўла, піша eurointegration.com.

Як паведамляе AIRLIVE, самалёт выконваў рэйс Манастыр - Прага.

Пасажыры былі эвакуаваныя праз падазрэнне ў пажары. У салоне самалёта пачалося задымленне.

Людзей эвакуавалі па надзіманых трапах адразу пасля пасадкі самалёта.

Прэс-сакратарка пражскага аэрапорта Марыка Яновушкава запэўніла, што ніхто ў выніку інцыдэнту не пацярпеў.

Прычыны ўзнікнення задымлення высвятляюцца.

Туніс - папулярнае месца для адпачынку сярод чэшскіх турыстаў.