Беларускія лесарубы перамаглі на чэмпіянаце свету ў Нарвегіі
9- 6.08.2018, 20:31
- 12,142
У спаборніцтвах удзельнічалі прадстаўнікі 27 краін.
Беларуская нацыянальная каманда вальшчыкаў у асобе Валерыя Дуровіча, Сяргея Шкудрова і Віктара Зарэмбы перамагла ў Чэмпіянаце свету лесарубаў, які нядаўна адбыўся ў Нарвегіі, паведамілі ў прэс-службе Міністэрства лясгаса.
Спаборніцтвы праходзілі з 2 да 5 жніўня ў Лілехамеры. У іх бралі ўдзел 123 спартсмены.
Беларуская каманда пад кіраўніцтвам намесніка начальніка ўпраўлення вытворчасці і рэалізацыі прадукцыі Мінлясгаса Уладзіміра Шута ў камандным заліку набрала 4879 балаў, на 19 балаў апярэдзіўшы спаборнікаў з Нямеччыны.
Беларускія вальшчыкі ўжо перамагалі ў ЧС лесарубаў. У 2016 годзе нацыянальная каманда першы раз у гісторыі здабыла ганаровы тытул.