У Нідэрландах затрымалі расейскіх шпіёнаў

Затрыманне шпіёнаў стала вынікам супольнай аперацыі спецслужбаў Нідэрландаў, Швайцарыі і Вялікабрытаніі.

У Нідэрландах затрымалі двух расейскіх шпіёнаў, якія мелі намер атрымаць звесткі з хімічнай лабараторыі ў швайцарскім Шпіцэ, якая расследуе хімічныя атакі Сірыі і Брытаніі.

Пра гэта паведаміла швейцарскае выданне Tages-Anzeiger (пераклад - «Еўрапейская праўда»).

«Дакладная дата затрымання шпіёнаў невядомая», - адзначаецца ў паведамленні, але падкрэсліваецца: інцыдэнт адбыўся ў 2018 годзе.

Неназваныя суразмоўцы выдання сцвярджаюць, што расейцы накіроўваліся ў Швайцарыю. Затрыманне шпіёнаў стала вынікам супольнай аперацыі спецслужбаў Нідэрландаў, Швайцарыі і Вялікабрытаніі. Федэральная служба выведкі Швайцарыі пацвердзіла свой удзел у аперацыі.

Адзначаецца, што ў расейцаў было пры сабе хакерскае абсталяванне.

Раней нямецкія СМІ паведамлялі, што лабараторыя ў Шпіцэ, якая ўдзельнічала ў аналізе рэчываў, з дапамогай якіх у сакавіку ў Вялікабрытаніі быў атручаны былы двайны агент Сяргей Скрыпаль і ягоная дачка Юлія, стала мішэнню расейскіх хакераў.

Установа ахове канстытуцыі ўдакладніла, што за нападамі, магчыма, стаіць расейская спецслужба.