Следчым стала вядома аб двух суўдзельнікаў Пятрова і Башырава

Адзін з іх - лекар па прафесіі.

Брытанскія следчыя шукаюць дваіх меркаваных суўдзельнікаў Руслана Башырава і Аляксандра Пятрова, якія падазраюцца ў атручванні Сяргея Скрыпаля ў Солсберы. Аб гэтым піша выданне The Sunday Mirror увечары 15 верасня са спасылкай на крыніцу ў брытанскім урадзе, піша dw.com.

Мяркуецца, што адзін з суўдзельнікаў атрутнікаў, якога ў артыкуле называюць «доктар Навічок», з'яўляецца лекарам, і ягонай задачамі было не дапусціць заражэння атрутай выканаўцаў атручвання, і таксама надаць ім дапамогу, калі гэта ўсё ж адбудзецца. Гэта дазволіла б, напрыклад, пазбегнуць прыцягнення да справы паліцыі або брытанскіх лекараў, адзначае The Sunday Mirror.

Са слоў суразмоўцы выдання, мяркуецца, што пасля рэгістрацыі ў гатэлі City Stay Hotel у Лондане Башыраў і Пятроў сустракаліся з «доктарам Навічком» і яшчэ адным памочнікам, які працуе ў расейскай амбасадзе, пасля чаго яны селі на цягнік да Солсберы.

Раней іншыя крыніцы паведамілі The Sunday Mirror, што брытанскай паліцыі вядомыя звесткі іх сапраўдных дакументаў, бо камеры відэаназірання аснашчаныя праграмай, якая дазваляе супастаўляць твары людзей з фота з пашпартнай базай.

Што рабілі Башыраў і Пятроў у лонданскім гатэлі

The Sunday Mirror таксама даведалася, чым займаліся ў Вялікай Брытаніі Башыраў і Пятроў акрамя паездкі ў Солсберы. Паводле інфармацыі выдання, у паліцыю звярнуўся мужчына, які спыняўся ў гатэлі City Stay Hotel у тыя ж дні, што і меркаваныя агенты ГРУ. Ён пазнаў на распаўсюджаных у СМІ фота Пятрова, з якім, з ягоных слоў сутыкнуўся ў прыбіральні гатэля.

Пастаялец гатэля распавёў, што з нумара Башырава і Пятрова ў ноч на 4 сакавіка ішоў відавочны пах марыхуаны, які распаўсюдзіўся па ўсім калідоры.

«Пазней прыйшла жанчына, я думаю, прастытутка», - прадоўжыў мужчына. Ён паскардзіўся супрацоўнікам гатэля на шум з нумара меркаваных атрутнікаў, якія пакінулі гатэль наступнай раніцай, адправіўшыся ў Солсберы. Са слоў пастаяльца, прыбіральшчыца вельмі доўга прыбірала нумар пасля іх ад'езду.

Раней выданне «Проект» паведаміла, што ў дасье з пашпартнымі звесткамі Руслана Башырава стаяць тыя ж паметкі, якія паказваюць на ягоную прыналежнасць да спецслужбаў, што і ў Аляксандра Пятрова. Паводле звестак «Проекта», на картцы Башырава маецца штамп «звестак не даваць» і паказаны той жа тэлефонны нумар, запісаны ў дасье Пятрова. Выданне сцвярджае, што атрымала файл з інфармацыйнай сістэмы «Расейскі пашпарт» праз электронную пошту.