Замах на Пуціна: Расея рыхтуе правакацыі на Балканах

Засталося толькі паднесці запалку.

Няўдалы замах на прэзідэнта РФ Уладзіміра Пуціна можа быць адной з нарыхтовак, для трыумфальнага вяртання РФ на Балканы.

Ні для каго не сакрэт наколькі важную, стратэгічную ролю для Расеі ў Еўропе адыгрывае Сербія, якая гістарычна ўважаецца за бастыён Крамля ля межаў цывілізаванай супольнасці. І менавіта Сербія доўгі час была адным з вагароў дэстабілізацыі, якім карысталася Расея, рэалізуючы ціск, а часам і адкрыты шантаж усёй Еўропы. Успомнім, хоць бы «выкармленую» Расейскай імперыяй сербскую арганізацыю «Чорная Рука», якая пры падтрымцы расейскага і сербскага ўрадаў «песціла» такіх дзеячаў, як Гаўрыла Прынцып, піша блогер «Злы адэсіт».

А таму і не дзіўна, што адным з першых замежных візітаў прэзідэнта РФ Уладзіміра Пуціна сёлета павінен быў стаць візіт менавіта ў Сербію. Але, як стала вядома, прэзідэнту РФ у гэтай брацкай і сяброўскай краіне пагражала калі не смерць, то ўжо сапраўды непрыемнае судакрананне з нейкім 21-гадовым Армінам Алібашычам, які рыхтаваў на Пуціна замах. Але пільныя спецслужбы своечасова раскрылі падступную задуму забойцы-недалугі, адначасна абвясціўшы аб яго прыналежнасці да тэрарыстычнай арганізацыі ІДІЛ, хоць ён быў у шэрагах мусульманскай арганізацыі Dawaat Team, якая адмаўляе сваю сувязь з сусветнай тэрарыстычнай сеткай.

Нягледзячы на гэты інцыдэнт, візіт Пуціна ў Сербію не скасавалі, хоць вядома, што прэзідэнта РФ імкнуцца максімальна засцерагчы ад лішніх рызык, перыядычна нават ладзячы яму сустрэчы «з народам» у асобе адных і тых жа статыстаў, па сумяшчальніцтве таксама падзарабляюць ў адпаведных структурах.

Так, што ж гэта было, банальная паказуха спецслужбаў Сербіі, якія хочуць прадэманстраваць, як яны эфектыўна працуюць, або ў гэтага інцыдэнту былі зусім іншыя мэты, больш адпаведныя доўгатэрміноваму планаванню Крамля на Балканах?

Рэч у тым, што балканская тэма ўжо даўно не дае спакою Крамлёўскім стратэгам, якія да нядаўніх часоў не маглі ўявіць цэласную карціну свайго вяртання ў рэгіён, які быў на мяжы 2000-х страчаны. Аднак усё змянілася разам з з'яўленнем ІДІЛ і ўсеагульнай барацьбы сусветнай супольнасці з гэтай тэрарыстычнай арганізацыяй.

Вельмі паспяхова выкарыстаўшы тэму барацьбы з ІДІЛ, Расея ўвяла свае войскі ў Сірыю, тым самым не толькі захаваўшы тыранію марыянеткавага Асада ва ўладзе, але і вярнуўшы сабе ўплыў у рэгіёне. Гэтую ж тэму Крэмль плануе выкарыстаць і для вяртання ў Афганістан. Цяпер жа, пра ІДІЛ загаварылі на ўзроўні Сербіі, што прымушае задумацца аб тым, што план па вяртанні РФ у рэгіён ужо гатовы.

Балканы, нягледзячы на цяперашні спакой, тым не менш, як былі, так і застаюцца рэгіянальнай парахавой бочкай, якая назапашвае ў сабе грымучую сумесь з неразвязаных міжэтнічных пытанняў і банальнага рэваншызму. І менавіта на чарговым падрыве гэтай бочкі можа і адбыцца вяртанне РФ, у асобе яе гібрыдных «ветлівых» інструктараў у рэгіён.

Дарэчы сказаць, падрыхтоўка тэмы ІДІЛ з'яўляцца на Балканах пачала задоўга да, нібыта, няўдалага замаху на Пуціна. Так, яшчэ ў 2017 годзе расейскі прапагандыст, які называе сябе журналістам, Аляксандр Коц вельмі актыўна вяшчаў аб размяшчэнні ў Босніі, Герцагавіне і Косава ячэек ІДІЛ. Стваралася ўражанне, што галава-прамоўца ГРУ не проста распаўсюджвае узгодненую з кіраўніцтвам інфармацыю, а ў даслоўным сэнсе слова ўжо рыхтуецца ў выправу на Балканы. Як ніяк, а дапамагаць братам-сербам, якія актыўна ўдзельнічалі ў акупацыі Крыму і Данбаса, у асобе чэтнікаў – справа святая!

Пры гэтым, самі ж сербскія нацыяналісты пускаюцца ў крайнасці, літаральна правакуючы канфлікт, як на палітычным, так і бытавым, сацыяльным узроўнях. Лідар баснійскіх сербаў Міларад Додзік даслоўна за некалькі тыдняў да старту вяшчання Коца пра ІДІЛ у Босніі, пачаў патрабаваць правядзення рэферэндуму аб аддзяленні Рэспублікі Сербскай ад Босніі і Герцагавіны. А адначасова з расейскімі ўкідамі ў СМІ пра ІДІЛаўцаў на Балканах, у студзені 2017 года сербскія ўлады пусцілі першы за шмат гадоў цягнік з Бялграда ў Прышціну, які быў у колерах нацыянальнага сербскага сцяга і надпісамі: "Косава — гэта Сербія".

Пры гэтым, Сербія не толькі напальвае абстаноўку ля межаў сваіх суседзяў, да якіх адчувае пачуцці неспатольнага рэваншызму, латэнтна спрыяючы акупацыйным амбіцыям Крамля, ва ўсім свеце, ад Украіны да Сірыі, але і дадае алею ў агонь міжэтнічных супярэчнасцяў, уплятаючы ў іх актуальную мусульманскую спецыфіку.

Што ж, тэме ІДІЛ на Балканах надалі жыцця. Тут і замах на Пуціна, і антытэрарыстычны цэнтр дзяржаў-удзельніц СНД, кіраўнік якога генерал-палкоўнік паліцыі Андрэй Новікаў назваў балканскі маршрут найбольш запатрабаваным сярод баевікоў, і расейскія прапагандысты, якія даўно вяшчаюць аб тэрарыстычнай пагрозе на Балканах, і многія іншыя чыннікі, якія сігналізуюць аб тым, што Расея гатовая да дзеянняў у рэгіёне. Засталося толькі паднесці запалку.