17 лютага 2019, Нядзеля, 13:48
Захаваць «Хартыю»! Стаць нацыяй!
Рубрыкі

Лукашэнка: Расейцы самі нарошчваюць пастаўкі бензіну і дызельнага паліва ва Украіну

45
ФОТА: ТАСС

Дыктатар прабрахаўся, хто напраўду запраўляе ўкраінскія танкі.

На сустрэчы з былымі міністрамі замежных спраў Беларусі 18 студзеня Лукашэнка, як піша БелТА, «адказаў на папрокі на адрас беларускай стараны аб тым, што яна пастаўляе ва Украіну дызельнае паліва, якое далей выкарыстоўваюць у вайсковых мэтах». Ад каго зыходзілі такія папрокі, не ўдакладняецца, паведамляе «Радыё Свабода».

Аляксандр Лукашэнка заявіў, што даручыў разабрацца, якое дызельнае паліва выкарыстоўваюць ва ўкраінскіх танках - і яму адрапартавалі, што расейскае.

«І расейцы пастаўляюць, безупынна нарошчваючы аб'ёмы паставак бензіну і дызельнага паліва ва Украіну, - заявіў Лукашэнка. - Ды як жа так? Мы ваюем з Украінай ці Расея? І хто запраўляе гэтыя танкі?

А нашы аб'ёмы [паставак паліва ва Украіну. - заўвага] памяншаюцца. Нас проста выштурхваюць з украінскага рынку. І не толькі з нафтапрадуктамі. Таксама з угнаеннямі ды іншымі пазіцыямі. Ідзе канкурэнцыя. А нас пачынаюць у гэтым папікаць».

Санкцыйныя тавары з Украіны вязуць расейцы, а беларусы толькі падказваюць дарогу, - заявіў Лукашэнка

Таксама Лукашэнка заявіў, што з Украіны ў Расею праз Беларусь ідуць мізэрныя аб'ёмы санкцыйных тавараў, і гаворка ідзе пра «аб'яднанні ўкраінскіх і расейскіх прадаўцоў у асобе мытні ды іншых службаў Расейскай Федэрацыі».

А «беларусамі там і не пахне», заявіў Лукашэнка. Грамадзян Беларусі, распавёў ён, выкарыстоўваюць толькі для таго, каб «падказалі, як лепш праехаць па Беларусі.

Яшчэ ў мінулым верасні Аляксандр Лукашэнка казаў, што трэба «закрыць мяжу» з Украінай «для бандытаў, якія вязуць зброю», бо «мы бачым, колькі адтуль ідзе сёння бяды для Беларусі, у тым ліку зброі перапраўляецца».

Але і беларускія, і ўкраінскія памежнікі канстатавалі адсутнасць выяўленых арганізаваных каналаў паставак зброі, амуніцыі і выбухоўкі на мяжы Беларусі і Украіны.

А цяпер Лукашэнка зноў заявіў пра тое, што яму дакладваюць «аб масаваным прытоку зброі з Украіны». Ён таксама заявіў, што расейцы папракаюць беларусаў, што «вось, у вас там праз мяжу» ідуць пастаўкі зброі, а яны напраўду ідуць з Украіны ў Расею, а затым у Беларусь.

«Ясна, гэта камусьці трэба, - разважаў Лукашэнка. - Проста так жа вазіць не будуць з рызыкай. Яна камусьці тут трэба. І мы ўжо ўбачылі, каму яна трэба была».

Каму, Лукашэнка не ўдакладніў.

Таксама Лукашэнка заявіў, што Пагадненне аб ліквідацыі ракет сярэдняй і меншай далёкасці (ПРСМД) фактычна "перакрэслены" з мэтай размяшчэння на тэрыторыі Украіны ракет NATO, паведамляе "Інтэрфакс".

"І барані Бог там (на тэрыторыі Украіны - заўвага) будуць пастаўленыя ракеты меншай і сярэдняй далёкасці... цяпер гэтую ўмову (ПРСМД - заўвага) перакрэслілі фактычна. Да Урала абстрэльвацца цалкам малымі ракетамі будзе ўся Расея... Так трэба і з прычыны гэтага развязваць гэтую праблему (аднавіць мір ва Украіне - заўвага)», - заявіў беларускі правадыр у пятніцу на сустрэчы з беларускім дыпламатычным корпусам.

Лукашэнка сказаў, што канфлікт ва Украіне з'яўляецца для Захаду другім значнасцю "падарункам" пасля раскідання Савецкага Саюза. Таму ён уважае за некарэктныя папрокі на адрас ЗША з нагоды пашырэння NATO. "Я часта ўжо і публічна кажу: слухайце, такога падарунку, які мы паднеслі ў выглядзе Украіны Захаду і перш за ўсё Амэрыцы, і не снілася. Першы падарунак - раскіданне Савецкага Саюза. Другі - Украіна. Чаго сёння амэрыканцаў папікаць?", - адзначыў А.Лукашэнка.

Ён ізноў паўтарыў свой тэзіс аб тым, што ва Украіне ёсць палітычныя сілы, якія "горшыя за NАТО". "Там дастаткова людзей ва Украіне, якія будуць у дзесяць разоў горшыя за NАТО. Мы будзем маліцца калісьці, каб там NATO было, а не людзі, якія сёння са стрэльбамі ходзяць. І я таксама кіраўніцтву Расеі паведаміў гэтую пазіцыю. Гэта таксама трэба разумець і бачыць", - сказаў дыктатар.