Трамп наведае мяжу з Мексікай
1- 7.01.2019, 21:07
- 9,295
Прэзідэнт ЗША наведае паўднёвую мяжу ў чацвер.
Прэзідэнт ЗША Дональд Трамп плануе наведаць у чацвер паўднёвую мяжу ЗША, паведаміў у панядзелак Белы дом. Гэта паведамленне прагучала на фоне працягу частковага закрыцця федэральнага ўрада, звязанага з патрабаваннем прэзідэнта Трампа аб фінансаванні агароджы ўздоўж мяжы з Мексікай, паведамляе «Голос Америки».
«Прэзідэнт Дональд Трамп у чацвер зробіць паездку на паўднёвую мяжу, каб сустрэцца з тымі, хто знаходзіцца на пярэднім краі крызісу ў сферы нацыянальнай бяспекі і гуманітарнага крызісу», - паведаміла ў «Твітэры» прэс-сакратарка Белага Дома Сара Сандэрс.
З яе слоў, пра дэталі паездкі будзе неўзабаве паведамляцца.