Зяленскі анансаваў важныя сустрэчы ў ЗША

Прэзідэнт Украіны назваў тэмы перамоў.

Украіна рыхтуе сустрэчы з амерыканскімі партнёрамі, якія ўмацуюць пазіцыі краіны ў вайне супраць Расіі.

Пра гэта паведамляе Charter97.org са спасылкай на вячэрні відэазварот прэзідэнта Украіны Уладзіміра Зяленскага у Telegram.

Па словах прэзідэнта, неўзабаве адбудуцца сустрэчы з партнёрамі ў ЗША.

«Мы рыхтуем сустрэчы з нашымі партнёрамі ў Злучаных Штатах Амерыкі. Гэта датычыць і перамоваў, набліжэння міру. Таксама некаторыя іншыя вельмі істотныя пытанні: у прыватнасці, і пра энергетыку, і пра харчовую бяспеку, і пра зброю», — кажа ён.

Зяленскі адзначыў, што будуць новыя пакеты падтрымкі для Украіны, у прыватнасці тыя, што датычацца супрацьпаветранай абароны.

Прэзідэнт таксама паведаміў пра падрыхтоўку да пашырэння антыбалістычнай кааліцыі.

«Задача нязменная — на гэты год падрыхтаваць вынік, які можна выпрабаваць. Патрэбная сістэма, сістэма эфектыўная, і каб яна была дастаткова маштабнай і, пажадана, танней, чым сёння ў свеце», — паведаміў Зяленскі.

Па яго словах, супрацоўніцтва з вытворцамі і дзяржавамі працягваецца даволі прадуктыўна.

«Я хачу падзякаваць усім, хто нам дапамагае. Цяпер перш за ўсё — гэта моцныя кампаніі Еўропы, якія здольныя ўнесці рэальны ўклад у антыбалістыку ў нашай праграме Freya», — рэзюмаваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com