Boeing і Porsche створаць лётаючы электрамабіль
11- 11.10.2019, 17:55
- 9,733
У будучага электрамабіля будзе вертыкальны ўзлёт.
Амерыканская карпарацыя Boeing і нямецкая кампанія Porsche AG у чацвер абвясцілі пра намер стварыць лятаючы электрамабіль. У афіцыйным паведамленні, якое яны распаўсюдзілі, гаворыцца пра намер стварыць аб'яднаную каманду, якая «дазволіць перанесці рух аўтатранспарту ў паветраную прастору», паведамляе РБК са спасылкай на CNN.
У заяве не прыводзіцца ніякіх фінансавых ці тэхнічных дэталяў. Пазначана толькі, што ў будучага электрамабіля будзе вертыкальны ўзлёт.
Як растлумачыў чалец рады дырэктараў Porsche Дэтлеў фон Платэн, які адказвае за продажу і маркетынг, гаворка ідзе пра аб'яднанне намаганняў дзвюх глабальных кампаній, каб пазмагацца за сегмент рынку, які ў будучыні мае вялікі патэнцыял.
У Porsche дагэтуль не казалі аб планах стварыць лётаючыя аўтамабілі. У апошнія гады кампанія рабіла стаўку на заняцце нішы на рынку электрамабіляў, паставіўшы задачу стварыць 22 млн такіх машын за наступныя дзесяць гадоў.