«Белнафтахім» заявіў пра жаданне правяраць якасць расейскай нафты
1- 17.10.2019, 19:29
- 8,582
У канцэрне прымуць пастанову пра будаўніцтва на «Дружбе» адпаведнага вузла.
Канцэрн «Белнафтахім» да канца года прыме пастанову пра будаўніцтва на магістральным нафтаправодзе «Дружба» вузла праверкі якасці нафты, якая паступае з Расеі.
Пра гэта заявіў намеснік старшыні канцэрна Уладзімір Сізаў на форуме «Нафтахімія», паведамляе БелТА.
Пра будаўніцтва вузла ў інтэрв'ю часопісу «Веснік Белнафтахіма» раней паведамляў галоўны інжынер ААТ «Гомельтранснафта Дружба» Андрэй Вярыга:
- Цяпер абмяркоўваем з канцэрнам «Белнафтахім» пытанні будаўніцтва вузла ўліку і вымярэння якасці на ўваходзе трубаправода ў Беларусь. Гэта дало б дадатковую гарантыю бяспекі, кантролю колькасці і якасці нафты.
Нагадаем, што ў канцы красавіка гэтага года «Белнафтахім» заявіў пра рэзкае пагаршэнні якасці нафты, што паступае з Расеі. Праз некалькі дзён Беларусь прыпыніла экспарт нафтапрадуктаў «праз якасць расейскай нафты».
У пачатку лета расейскія СМІ паведамлялі пра суму прэтэнзій «Белнафтахіму» праз няякасную нафту: гаворка ішла быццам бы пра $155 млн. Расейскі бок ацаніў шкоду значна больш сціпла.