У Ярмошынай пачалася істэрыка

Кіраўніца ЦВК наважыла, што яе людзей «крыўдзяць».

Рэакцыя арганізатараў выбараў на спробы замінаць працы выбарчых камісій «будзе жорсткай», заявіла ў эфіры «Беларусь 1» кіраўніца ЦВК Лідзія Ярмошына.

Кіраўніца ЦВК Лідзія Ярмошына ў эфіры «Беларусь 1» распавяла, як арганізатары «выбараў» будуць рэагаваць на спробы замінаць працы выбарчых камісій.

- Жорстка. Мы ў любым выпадку не дазволім, каб крыўдзілі нашы ўчастковыя камісіі і нашых выбарцаў, - заявіла кіраўніца ЦВК. - На выбарах самы галоўны чалавек - выбаршчык. Ну і для мяне - выбарчыя камісіі, людзі, якія працуюць на грамадства і дзяржаву... Мы не дазволім, каб з выбарчых камісій здзекаваліся.

Нагадаем, што назіральнік Юры Вашчанчук зняў на відэа спробу ўкіду туды бюлетэняў на выбарчым участку ў Берасці.

16 лістапада ў Менску на ініцыятыву грамадзянскай кампаніі «Еўрапейская Беларусь» зноў прайшла Сустрэча свабодных людзей - легальная акцыя на плошчы Свабоды. Сярод удзельнікаў акцыі былі кандыдаты ў «дэпутаты» так званага беларускага «парламента» і іх давераныя асобы.

Адзін з лідараў «Еўрапейская Беларусь» Яўген Афнагель заявіў, што выбараў у краіне няма і таму кандыдаты ад грамадзянскай кампаніі здымаюць свае кандыдатуры і спаляць пасведчанні ў знак пратэсту прама каля будынка ЦВК.

Пасля маршу па цэнтры Менска ад плошчы Свабоды да праспекта Незалежнасці, пад лозунгі «Фальшывым выбарам і Ярмошынай - баста!», кандыдаты і іх давераныя асобы спалілі пасведчанні. Удзельнікі грамадзянскай кампаніі «Еўрапейская Беларусь» адмовіліся ўдзельнічаць у фарсе і заклікалі беларусаў байкатаваць мерапрыемства, якое беларускія ўлады называюць «выбарамі».