Студэнцкі часопіс і маскоўскія пратэсты

Як у РФ у падтрымку актывістаў узнялася грамадская кампанія.

Студэнт Вышэйшай школы эканомікі Ягор Жукаў і шмат іншых студэнтаў былі затрыманыя ў Маскве падчас пратэстаў улетку 2019 года і сталі фігурантамі "маскоўскай справы": улады абвясцілі "масавымі непарадкамі" маніфестацыі за сумленныя выбары, якія жорстка разганяліся паліцыяй, перадае svoboda.org.

У падтрымку затрыманых узнялася грамадская кампанія, важную ролю ў якой граў студэнцкі часопіс "Вышки" DOXA, які дагэтуль пісаў збольшага аб універсітэцкіх праблемах. DOXA асвятляў акцыі пратэсту, збіраў сродкі на падтрымку аштрафаваных студэнтаў, арганізоўваў адпраўку лістоў палітычным вязням.

У выніку ўлады сталі перашкаджаць правядзенню акцый студэнцкага часопіса. Перад арганізаванай рэдакцыяй дыскусіяй была замкнёная грамадская прастора "Яма". Рэдакцыі не далі адкрыць уласны стэнд на "Дні Вышкі" на загад старшага дырэктара інфармацыйнай палітыкі ВШЭ Алега Саладухіна.

Некалькі дзён з жыцця рэдакцыйнае калегіі DOXA Таццяны Калабакінай, Анастасіі Якубоўскай, Марыі Бязверхай, Кацярыны Мартынавай і Армена Арамяна - у дакументальным фільме Андрэя Кісялёва "Тут мае быць DOXA".