Прыстайка: Ва Украіны ёсць папка «нумар два», калі менскі працэс не спрацуе

Кіраўнік МЗС Украіны апавёў пра альтэрнатыву Менскім пагадненням.

Альтэрнатывай менскім пагадненням можа быць аперацыя падтрымання міру, якая ўвогуле не прадугледжаная менскім працэсам.

Пра гэта заявіў кіраўнік МЗС Украіны Вадзім Прыстайка ў інтэрв'ю РБК-Украіна, паведамляе censor.net.ua.

Прыстайка адзначыў, што ў МЗС ёсць "тэчка з варыянтам нумар два, на выпадак калі варыянт нумар адзін не працуе". У ёй напісана, што калі менскі працэс не рэалізуецца, трэба мець іншы кірунак дзейнасці.

"Я ўжо шмат разоў казаў, што гэта можа быць аперацыя падтрымання міру. Менскім працэсам яна ўвогуле не прадугледжаная. І нават калі лідары яе абмяркоўваюць, узнікае справядлівае пытанне: дык мы выходзім з менскіх пагадненняў? Гэта значыць я не сказаў нічога анты-менскага, наадварот, лідары даўно ўжо абмяркоўваюць магчымасць зменаў, якія прадугледжваюць місію для падтрымання міру", – сказаў ён.

У той самы час ён дадаў, што калі гэты варыянт не спрацоўвае, напрыклад, Расея блакуе пастанову Рады бяспекі ААН і місія не з’яўляецца, тады, відавочна, дыпламатычная сістэма дастае трэці варыянт.

"І ў нас у запасе ёсць яшчэ некалькі варыянтаў, якія абмалёўваліся ўжо прэзідэнту ў агульных рысах", – дадаў Прыстайка.