Міністр спорту і турызму Польшчы абраны кіраўніком WADA
2- 7.11.2019, 19:15
- 7,722
Вітольд Банька зойме пасаду 1 студзеня 2020 года.
Міністра спорту і турызму Польшчы Вітольда Баньку зацвердзілі на пасадзе прэзідэнта Сусветнага антыдопінгавага агенцтва (WADA). Пра гэта паведамляе афіцыйная старонка арганізацыі ў Twitter.
Падчас Сусветнай антыдопінгавай канферэнцыі ў польскай Катавіцэ за Баньку аднагалосна прагаласавала Рада заснавальнікаў WADA. Раней кандыдатуру Банькі падтрымала Рада Еўропы.
35-гадовы чыноўнік афіцыйна зойме пасаду 1 студзеня 2020 года. На чале агенцтва ён зменіць брытанца Крэйга Рыдзі, які кіруе арганізацыяй ужо шэсць гадоў.
Будучы прэзідэнт WADA - былы лёгкаатлет, які спецыялізаваўся ў бегу на 400 м. У эстафеце 4х400 м ён здабыў золата на маладзёжным чэмпіянаце Еўропы-2005 і Універсіядзе-2007. На ЧС-2007 у Асацы Банька здабыў бронзу ў эстафеце.
The Foundation Board has officially elected @WitoldBanka and Yang Yang as the new WADA President and Vice-President.
— WADA (@wada_ama) November 7, 2019
Their terms begin on 1 January 2020. pic.twitter.com/ekI4pQ4PTk