Фотафакт: У Слонімскім шпіталі пацыентаў кормяць бульбай у мундзірах

Паёк параўналі з порцыяй ў блакадным Ленінградзе.

У Слонімскай лякарні хворым на абед даюць бульбу ў мундзірах. Да бульбы яшчэ - кавалачак хлеба і варанай каўбасы.

Пра гэта жыхары Слоніма паведамляюць на старонках слонімскіх сайтаў, перадае «Радыё Рацыя».

У каментарах - розныя выказванні. Больш за ўсё людзі пішуць у каментарах, што абед можна параўнаць з харчаваннем падчас блакады Ленінграда ў гады Другой сусветнай вайны. У іншых каментарах паведамляецца, што не лепш кормяць і ў Гарадзенскай дзіцячай лякарні.