Названыя кошты навагодніх ялінак у Менску

Гандаль навагоднімі дрэвамі ў лясгасах і лясніцтвах будзе арганізаваны з 20 снежня.

Сёлета ў сталіцы і сталічным рэгіёне плануецца прадаць больш за 40 тысяч навагодніх дрэў, амаль 2,0 тысячы навагодніх букетаў і 1,3 тысячы навагодніх ялінак у кадушках, паведамілі ў Менскім дзяржаўным вытворчым лесагаспадарчым аб'яднанні, паведамляе interfax.by.

Пры рэалізацыі са склада лясніцтва навагодняе дрэва да 1 м агулам каштавацьме блізу Br10, ад 1,1 да 2,0 м - Br13.

Пры рэалізацыі з гандлёвых пунктаў навагодняе дрэва да 1 м агулам каштавацьме Br11, ад 1,1 да 2,0 м - Br14, букет навагодні - Br5, навагодняе дрэва ў кадушцы да 1 м каля Br25, ад 1,1-2 м - Br32.

Гандаль навагоднімі дрэвамі і навагоднімі букетамі ў кадках у гандлёвых месцах, у лясгасах і лясніцтвах будзе арганізаваны з 20 снежня.