У Маскве затрымалі заснавальніка найбуйнейшага ў Расеі інвестыцыйнага фонду

Baring Vostok інвеставаў з 1994 года ў інтэрнэт і тэлекамунікацыі РФ.

У Маскве затрыманы заснавальнік інвестыцыйнага фонду Baring Vostok амерыканец Майкл Калві, паведамляе finanz.ru.

Як паведамляе «Інтэрфакс», Kалві падазраюць у махлярстве, учыненым у асабліва значнай суме (частка 4 артыкула 159 КК РФ). Разам з ім затрыманыя партнёр кампаніі Ваган Абгаран, партнёр у індустрыі фінансавага сектара Філіп Дэльпаль і дырэктар у інвестыцыях Іван Зюзін.

Следчыя падалі хадайніцтва аб арышце ўсіх затрыманых. У пятніцу справу разгледзіць Басманны суд, паведаміла прэс-сакратарка суда Юнона Царова.

У выпадку прызнання віны Калві яму пагражае да 6 гадоў турмы.

Baring Vostok працуе на расейскім рынку з 1994 года і быў адны з найбуйнейшых інвестараў у расейскія інтэрнэт і тэлекомы. Фонд быў галоўным акцыянерам «Яндэкса» да 2011 года, калі кампанія выйшла на IPO.

Таксама Baring быў акцыянерам ў банку «Цінькоф», «Рэнесанс Страхаванне», Першым калектарскім бюро, Kaspi bank, Еўраплане, Яндэксе, Avito, ivi, СТС, 1С, Ozon, Вкусвіль, Papa Johns, A5, «Баржомі».