ЗША ўвялі санкцыі супраць сілавога блока Мадура
2- 15.02.2019, 19:53
- 12,927
Вашынгтон узмацняе ціск на венесуэльскага дыктатара.
Згодна з пастановай, апублікаванай у пятніцу, 15 лютага, у санкцыйны спіс унеслі кіраўніка Баліварыянскай службы нацыянальнай выведкі (SEBIN) і першага камісара SEBIN, камандуючага генеральнага ўпраўлення вайсковай контрвыведкі Венесуэлы; дырэктара Сіл спецыяльных аперацый нацыянальнай паліцыі Венесуэлы (FAES), а таксама прэзідэнта дзяржаўнай нафтавай кампаніі Венесуэлы Petroleos de Venezuela, S.A. (PdVSA), паведамляе «Новое время».
«Мы ўводзім санкцыі супраць чыноўнікаў, якія адказваюць за апарат бяспекі і разведкі Мадура, які сістэматычна парушае правы чалавека і душыць дэмакратыю, у тым ліку шляхам катаванняў і іншага жорсткага прымянення сілы», - заявіў міністр фінансаў Стывен Мнучын.
Нагадаем, што ЗША ўвялі санкцыі супраць венесуэльскай дзяржаўнай нафтавай кампаніі PdVSA, заблакаваўшы актывы карпарацыі на $7 млрд. У выніку прынамсі 20 танкераў, загружаных венесуэльскай нафтай, сталі на рэйд ля ўзбярэжжа Мексіканскага заліва.
Вашынгтон узмацніў санкцыйны ціск на рэжым Нікаласа Мадура пасля таго, як ён адмовіўся сысці з пасады прэзідэнта. ЗША падтрымалі яго спаборніка - лідара апазіцыі Хуана Гуайдо.