Кіраўнік СК: У нас няма звестак пра тое, што ў школе ў Стоўбцах быў нейкі канфлікт

Школьнік-нападнік на аднакласнікаў і настаўніцу цяпер знаходзіцца ў Навінках на псіхолага-псіхіятрычнай экспэртызе.

Пра гэта, адказваючы на пытанні tut.by, распавёў кіраўнік Следчага камітэта Беларусі Іван Наскевіч.

- Следства выявіла, чаму падлетак напаў на настаўніцу і школьнікаў? Што сапраўды адбылося ў школе ў Стоўбцах?

- Да канца мы яшчэ не можам вызначыць матывацыю ягоных дзеянняў, я казаў пра тое, што нам удалося выявіць яго дэвайсы, і той аб'ём інфармацыі, які мы адтуль дасталі, дазваляе нам выпрацаваць кірунак, у якім далей з ім размаўляць. Прыкладна зразумела ўжо, што ім рухала. Але ў кожным выпадку мы цяпер разлічваем вельмі на дапамогу судовых медыкаў, псіхіятраў.

- Ён цяпер у Навінках знаходзіцца?

- Так, ён цяпер накіраваны на комплексную судовую псіхолага-псіхіятрычную экспэртызу, ён там будзе досыць доўгі час - месяц-паўтара, напэўна, з ім там будуць камунікаваць судовыя псіхіятры. Мы ім перадалі ўсю інфармацыю, мы спадзяемся, што яны нам дапамогуць у раскрыцці матыву ягоных дзеянняў.

- Там быў нейкі канфлікт у школе?

- У нас няма аб'ектыўных звестак, каб гаварыць, што там быў нейкі канфлікт. Калі нешта і было, то вельмі схаванае і пакуль мы гэта не выявілі. Не магу гарантаваць, што канфлікту не было, але нам пакуль пра яго не невядома.

- Але вы разумееце, што ім рухала?

- Здагадваемся, скажам так. Але вы павінны падзяліць маю асцярожнасць, кожнае неабдуманае слова можа выклікаць наступствы. Перад канцом расследавання мы абавязкова апублікуем усё, што ведаем, усё, што выявілі. Задача не толькі зразумець, што адбылося і праз што адбылося, але і спыніць такія рэчы, каб яны не паўтараліся надалей.

- Кажуць, што ціхага адзіночку практычна немагчыма выявіць.

- Я з вамі цалкам згодны, але прасцей за ўсё сказаць, што нічога нельга зрабіць. А штосьці рабіць мы павінны, пагадзіцеся.