Паблізу Драздоў будуюць самы высокі ў Беларусі хмарачос
9- 14.03.2019, 14:36
- 20,775
Дом плануюць здаць у эксплуатацыю ў лістападзе 2020 года.
Вышынны жылы комплекс «Лазурыт», які будуецца насупраць «Мінск-Арэны», на скрыжаванні вуліцы Нарачанскай і праспекта Пераможцаў, плануюць здаць у эксплуатацыю ў лістападзе 2020 года. Але максімальнай вышыні будынак ужо дасягнуў, піша nn.by.
Адрас дома - праспект Пераможцаў, 115. У ім будзе 878 кватэр.
Забудоўнік - Управа капітальнага будаўніцтва Менгарвыканкама. Вядучы інжынер прадпрыемства Сяргей Бацяноўскі распавядае, што на сёння гэта самы высокі будынак у Менску:
«У «Лазурыце» 37 паверхаў. Вышыня дома без шпіля - 126,26 метра, са шпілем - 138,2 метра».
Другое і трэцяе месцы па вышыні, у залежнасці ад методыкі падліку, займаюць два будынкі.
Самы высокі будынак у Беларусі - слонімская тэлевышка (374 метры).