Аляксандр Глеб пра шанцы ў кваліфікацыі Еўра-2020: Настрой баявы
11- 18.03.2019, 18:03
- 9,607
Паўабаронца нацыянальнай каманды Беларусі падзяліўся сваімі чаканнямі ад кваліфікацыі.
Паўабаронца нацыянальнай каманды Беларусі Аляксандр Глеб падзяліўся меркаваннем пра шанцы на паспяховы выступ у кваліфікацыі Еўра-2020 ды піша «Трибуна».
- Нармальны баявы настрой ва ўсіх, траўмаў няма, гэта добра. Шмат у каго сезон ужо пачаўся, таму ўсе, у аптымальных кандыцыях. Будзем старацца выціснуць максімум.
- Што можаце сказаць пра сваю кандыцыю?
- Нармальны добры фізічны і маральны стан.
- Наколькі важны гэты адбор? Адчуваецца, што цяпер пачнецца новая гісторыя ў беларускім футболе?
- Ён такі ж важны, як і папярэднія. А там паглядзім...
- Наша нацыянальная каманда самая ўзроставая ў Еўропе. Як ставіцеся да гэтай інфармацыі?
- Ды ніяк. Не аналізую нават. Трэнер выклікаў, буду рабіць усё, што ад мяне залежыць.
- Наколькі цяжка пачынаць з двух выязных сустрэч?
- Заўсёды цяжка, калі топавыя каманды трапляюцца. На групавой стадыі нам ніколі не шанцавала са спаборнікамі. Хоць бы раз трапіць у адну групу з Расеяй. Але заўсёды трапляем з Францыяй, Гішпніяй, Нямеччынай, Галандыяй. Вядома, цяжка будзе. Але будзем старацца, можа атрымаецца рэалізаваць нейкія стандарты.
Пасля спаду ў нацыянальнай камандзе Галандыі вельмі класнае пакаленне. Цяжка будзе, - сказаў Глеб.