У казахстанскім горадзе Шымкентэ з'явіцца праспект Nursultan Nazarbayev
29- 20.03.2019, 19:00
- 17,085
Раней у Нурсултан была перайменаваная сталіца Казахстана.
Дэпутаты казахстанскага горада Шымкент аднагалосна падтрымалі прапанову прэзідэнта краіны Касым-Жомарта Такаева аб перайменаванні галоўнага праспекта ў гонар Нурсултана Назарбаева. Пра гэта гаворыцца на сайце мэрыі горада, паведамляе РБК.
Такім чынам, праспект Астаны, галоўная вуліца Шымкента, будзе перайменаваная ў праспект Nursultan Nazarbayev.
Назарбаеў 19 сакавіка абвясціў пра сыход у адстаўку з пасады прэзідэнта і прызначыў сваім пераемнікам Такаева. Пасля гэтага сталіца краіны Астана была перайменаваная ў Нурсултан. Назарбаеў захавае за сабой пасаду старшыні Рады бяспекі рэспублікі, кіраўніка кіруючай партыі «Нур Атан», а таксама застанецца сябрам Канстытуцыйнай рады.