Беларускія заробкі «знясілелі»

Падзенне даходаў непазбежнае.

Сярэдні заробак беларусаў з пачатку года зніжаецца другі месяц запар і ў лютым апусціўся ніжэй, чым у апошнія месяцы мінулага года.

Чаму заробкі зніжаюцца, насуперак чаканню ўладаў, і чаго далей чакаць работнікам, піша «Заўтра тваёй краіны».

Заробак здзімаецца

Калі заробак «расце», а прадукцыйнасць працы - не, значыць, даходы насельніцтва падвышаюць штучна. Што і адбывалася ў Беларусі ў апошнія два гады, тлумачыць эканаміст Леанід Злотнікаў.

- Але калі колькасць матэрыяльных дабротаў, якія спажывае насельніцтва, павялічылася на 3%, а грошай на руках стала больш на 18%, то гэтыя грошы павялічваюць попыт звыш таго, што можа даць эканоміка, - падкрэслівае экспэрт.

У пачатку 2019 гады без штучнага падсілкоўвання заробкі натуральным шляхам сталі зніжацца, адзначае экспэрт.

Знайсці новыя крыніцы для напампоўвання заробкаў вельмі складана

Леанід Злотнікаў прызнае, што падвышаны попыт, адпаведна, больш высокія заробкі можна было б забяспечыць, узяўшы ў пазыку на «праяданне» 1-2 мільярды даляраў. Як Беларусь ужо рабіла не раз. У выніку пазыкі з 2006 года выраслі амаль да 40 мільярдаў даляраў. Але крэдытаў краіне больш не даюць.

Дапамаглі б і расейскія субсідыі, якія раней дасягалі прыкладна 5 мільярдаў даляраў на год і павялічвалі спажыванне насельніцтва. І яны будуць зніжацца. Значыць, традыцыйныя крыніцы ўлівання сродкаў у эканоміку вычарпаныя.

Пры гэтым няма ніякіх тэхналагічных, інвестыцыйных або фінансавых падстаў меркаваць, што ў Беларусі можа адбывацца натуральны рост заробку. Інвестыцыі з пачатку года зніжаюцца, новых тэхналогій і прадпрыемстваў не з'яўляецца, новага капіталу не паступае. Таму няма адкуль узяцца і больш высокай прадукцыйнасці працы, без якой не бывае натуральнага росту заробкаў.

Зніжэнне заробкаў не так страшнае, як іх штучнае падвышэнне

У 2018 годзе рэальныя даходы выраслі на 7,5%, а прадукцыйнасць працы - менш чым на 1%.

Калі ўлады сёлета паспрабуюць штучна падвышаць заробкі, сітуацыя зноў можа скончыцца кепска: падвышэнне коштаў, ціск на рубель і ўдар па айчынных вытворцах.