«Хваліцца асабліва няма чым, але праз растаможку лепшую ўжо не знойдзеш»

Споведзь беларускага кіроўцу.

Беларускі ўладальнік Lancia Phedra падзяліўся сваім меркаваннем пра машыну з выданнем abw.by.

- Гэтая Lancia Phedra была набытая два гады таму для замены Citroёn Evasion. За 7 гадоў эксплуатацыі зарэкамендаваў сябе Evasion вельмі добра, але састарэў. Зручнасць для карыстання, зразумела, нікуды не дзелася, але да надзейнасці з'явіліся пытанні.

Паколькі да практычнасці Evasion не было ніякіх прэтэнзій, хацелася купіць аналагічны аўтамабіль наступнага пакалення, маладзейшыя. Акрамя Phedra разглядаліся Citroёn С8, Peugeot 807 і Fiat Ulysse. Па тэхніцы гэта адна і тая ж машына, але ў Phedra лепшая камплектацыя.

Праўда, ёсць нюансы. Па дызайне ўсе гэтыя мадэлі розныя, адпаведна кузаўныя элементы ў іх таксама розныя.

Калі аўтамабіль купляеш, не задумваешся, што можаш злавіць камень у лабавое шкло. А яно ў Phedra іншае. Неарыгінальных заменнікаў, якія існуюць для Citroёn або Peugeot, няма. Ва ўсякім выпадку пошукі "неарыгінала" менавіта для Phedra аказаліся беспаспяховымі.

Давялося браць "арыгінал", які абышоўся ў раёне 600 рублёў. У той жа час на "Це-восьмы" можна было купіць "наарыгінал" трохі даражэй за 200 рублёў, гэта значыць прыкладна за 100 баксаў.

Што датычыцца куплі канкрэтна гэтай машыны, то аддавалі яе параўнальна танна, таму што ў яе была праблема па рухавіку. Я б, можа, і не разглядаў гэты варыянт, але ў майго суседа свая СТА. Ён прыкінуў, колькі за машыну просяць і ў колькі можа абысціся рамонт, і сказаў, што можна браць.

Матор - дызель 2.0, такі ж, як у Peugeot і Citroеn. Выганяюць газы ў сістэму астуджэння.

Са слоў суседа, нават калі на аднаўленне матора пойдзе даляраў 500, у мінусе з улікам цаны аўтамабіля я застацца не павінен. А калі абыдзецца толькі заменай прабітай пракладкі ГБЦ, тады наогул добра.

Калі рухавік разабралі, высветлілася, што адной пракладкай не адкараскацца. Паднялі галоўку, а пад ёй знайшлі ракавіны на блоку.

Давялося купляць "бэушный" блок, шліфаваць старую галоўку, мяняць пракладкі. Увогуле, у тыя 500 даляраў, якія сусед называў як максімум, рамонт рухавіка як раз і абышоўся.

Для рамонту і абслугоўвання матор вельмі нязручны. Нельга сказаць, што ў Evasion гэтага недахопу не было, але тут значна "весялей". Нават каб памяняць свечкі напальвання, рухавік трэба апускаць.

У залежнасці ад складанасці нейкія працы па абслугоўванню раблю сам, нейкія аддаю рабіць суседу. Таксама праз суседа заказваю запчасткі. Выходзіць танней, чым калі б я купляў іх у прыватным парадку. І час на пошукі не выдаткоўваю, што таксама плюс, бо жыву я ў Берасцейскай вобласці, а ў нас аўтамагазіны не на кожным кроку, як у Менску.

Выдатак паліва - ад 8 да 10 літраў на 100 кіламетраў. Алівы на замену сыходзіць менш за 5 літраў. Што ў каністры застаецца, сусед вяртае, але даліваць паміж заменамі не прыходзіцца.

Было адламанае мацаванне бачка шклоамывальніка - давялося рабіць з падручных матэрыялаў. Яшчэ сусед параіў накрыць чым-небудзь блок засцерагальнікаў, таму што да яго звяртаюцца ўладальнікі Peugeot 807 і Citroёn С8, дзе праз пападання вады з гэтым блокам бяда. Выразаў з трактарнай камеры, вось і ўсё.

Наогул электраабсталяванне кантактамі як раз і турбуе перыядычна. Закісаюць - гэта ёсць. Часцей за ўсё кнопкі шклапад'ёмнікаў адмаўляюць, але зачысціць кантакт - ізноў усё працуе.

Яшчэ пад капотам мяняўся расходомер паветра. Здалося, што рухавік дрэнна цягне. У Evasion быў атмасферны бензінавы 2.0 - ён хутчэй ехаў, а тут турбадызель. Думаў, што павінна быць наадварот.

Розніцы ад замены не заўважыў, значыць, нешта іншае. Грашыў на турбіну, але яна аддавалася на праверку, пакуль рухавік рамантаваўся.

А можа, усё нармальна. Гэта пры куплі новых машын глядзяць, што ў тэхнічных характарыстыках запісана, а калі купляеш "з рук", неяк не да гэтага.

Пазней высветліў, што па пашпарце ў Phedra з двухлітровым дызелем максімальная хуткасць менш за 170 кіламетраў у гадзіну і разгон да "сотні" не павінен быць хутчэйшым за 15 секунд. Так што вельмі можа быць, што дарэмна я гэтую замену задумаў наогул.

Пасля куплі падвеска правяралася на пад'ёмніку - нічога не знайшлі. У задняй падвесцы дагэтуль нічога не рабілася, але трэба сказаць, што акрамя Phedra ў мяне маецца Opel Vivaro.

Для працы Vivaro зручней, таму на ім я езджу больш, а Phedra выкарыстоўваецца для сямейных патрэб або калі ехаць Vivaro няма асаблівага сэнсу. Так што праехала Phedra за два гады толькі 23 тысячы кіламетраў. Ездзіла б больш, можа, і праблем было б больш.

Спераду мяняліся толькі рулявыя наканечнікі і цягі стабілізатара. Тармазныя калодкі мяняліся па чарзе. Заднія тармазы, дарэчы, дыскавыя - такая камплектацыя.

Скрынка перадач механічная. Ні з ёй, ні са счапленнем праблем не было.

Па кузаве падабаецца, што заднія дзверы і ўсе крылы пластыкавыя. Пра карозію арак можна не думаць. Дно пакуль у добрым стане, а як далей пойдзе, час пакажа.

Наша соль, вядома, любое жалеза пераможа. У Evasion таксама пластыка хапала, але я б не сказаў, што па дне і парогах усё гладка было. Таксама адна з прычын, чаму Evasion быў прададзены.

Хваліцца ў гэтай машыне, вядома, асабліва няма чым. Хай Phedra маладзейшы, але ж і яна 2004 года выпуску. Іншая справа, што з-за растаможкі лепшую ўжо ўсё роўна не знойдзеш. Свежыя аўтамабілі з маторчыкам да паўтары літраў занадта маленькія, непрактычныя. Што паспелі з мінівэнаў прыгнаць да 2011 года, на тым і будзем ездзіць, пакуль зусім не рассыплюцца...