Беларус Стральцоў заваяваў бронзу на чэмпіянаце Еўропы ў цяжкай атлетыцы

Чэмпіянат Еўропы праходзіць у Батумі.

Беларус Вадзім Стральцоў заваяваў бронзу ў двубор'і ў вагавой катэгорыі да 102 кг на чэмпіянаце Еўропы ў цяжкай атлетыцы ў Батумі, паведамляе pressball.by.

Паводле сумы двух практыкаванняў Стральцоў паказаў вынік 376 кг (170 у рыўку + 206 у штуршку).

Золата заваяваў Дзмітрый Чумак з Украіны – 391 кг (175 + 216), срэбра ў Самвела Гаспарана з Арменіі – 377 кг (168 + 209).

У актыве Вадзіма Стральцова таксама малы срэбны медаль у рыўку (170 кг).