Што зменіцца ў красавіцкіх жыроўках беларусаў

За гэты месяц плаціць за камунальныя паслугі будзем па-новаму.

Пашанцуе тым, хто не ўкладваўся ў нормы спажывання, – яны будуць плаціць менш, піша «Вечерний Гродно».

Нагадаем, з 1 сакавіка скасаваныя ліміты на тэхабслугоўванне дома, ваду, каналізацыю і электрычнасць. Цяпер за гэтыя жыллёва-камунальныя паслугі, а таксама за ацяпленне, падагрэў вады і газ мы плацім паводле льготных (субсідаваных) тарыфаў незалежна ад плошчы кватэры і аб'ёмаў спажывання. Галоўная ўмова – у кватэры (доме) павінен быць зарэгістраваны прынамсі адзін чалавек (пастанова Саўміна № 81 ад 9 лютага 2019 года).

Астатнія паслугі ЖКГ – капрамонт дома, тэхабслугоўванне ліфта і ўборка пад'езда, вываз смецця – аплачваюцца як і раней, паведаміла дырэктарка КУП у аказанні паслуг «Адзіны інфармацыйны разлікова-даведачны цэнтр» Алена Арол.