«Там - жыццё, тут - балота»

Украінскія дэбаты кандыдатаў у прэзідэнты вачыма расейцаў.

Дэбаты кандыдатаў у прэзідэнты Украіны на стадыёне "Алімпійскі" ў Кіеве сталі падзеяй, якой з нецярпеннем чакалі не толькі ўкраінцы, але і расейцы. Трансляцыю гэтага нябачанага відовішча вялі ў тым ліку і федэральныя расейскія тэлеканалы, хоць і спецыфічным чынам - тым, хто хацеў глядзець іх без каментароў вядоўцаў, давялося спадзявацца на інтэрнэт-трансляцыі альтэрнатыўных крыніц, паведамляе Радыё Свабода.

Ганна Качкаева

Шоў "Стадыён так стадыён", прысвечанае дэбатам кандыдатаў у прэзідэнты Украіны, на разагрэве на Першым. Скразная думка - усё цырк, шоў, спекуляцыя і маніпуляцыя. На Расеі 1 - спецыяльны выпуск - кадры са стадыёна на паўэкрана, у акенцы - студыя. Экспэрты і вядучыя не змаўкаюць, каментуюць карцінку. А жывых галасоў, а галоўнае гуку стадыёна, у гэтым загаворванні і бесперапынным яхідстве было не пачуць.

Самым яркім момантам дэбатаў, на думку многіх, стаў той, калі абодва кандыдаты ўсталі на калені.

Іван Якавіна

На ініцыятыву Зе сталі на калені перад загінулымі салдатамі і іх маці.

Зе - тварам да людзей, Пе - спінай, але пацалаваў сцяг

Пасля гэтага Зе пракаментаваў: "Бачыце, не так складана быць нармальным чалавекам!"

Упікнуў!

Глеб Паўлоўскі

абодва прэзідэнты на каленях, гэта велічна

Меркаванні з нагоды таго, хто выйграў дэбаты, падзяліліся - але тыя, хто ўважае, што гэта быў дзейны прэзідэнт, відавочна, былі ў меншасці.

Наталля Геваркян

Мне здавалася, што стадыён - такі фармат, у якім Зяленскі не можа не перайграць Парашэнку. Але вось Порах неяк так зрабіў, што Зяленскі ўвесь час апраўдваецца. А Зяленскага ў аналагічную пазіцыю прэзідэнта паставіць не ўдалося. Парашэнка не адказвае на абвінавачванні, ён пераводзіць стрэлкі. Тактычна гэта правільна.

Марк Гальперын

Парашэнка дэбаты выйграў, што я прадказваў - у яго больш досведу, але выбары ён прайграе, што будзе скора.

Альфрэд Кох

Зяленскі прайграў, але ён выйграе.

Аляксей Макаркін

Парашэнка на дэбатах дамінаваў. Але менавіта гэта дамінаванне здольнае выклікаць раздражненне выбарцаў з улікам нізкага рэйтынгу дзейнага прэзідэнта. Ён амаль «забіваў» Зяленскага, не укладваючыся ў адведзены час - а той у адказ казаў ад імя «простых людзей», спакойна з паперкі задаючы Парашэнку пытанні, якія прыйшлі з Інтэрнэту. Менавіта тыя, якія ўкраінцы эмацыйна абмяркоўваюць, калі гаворка заходзіць пра палітыку. І сімпатыі людзей у гэтай сітуацыі аказваюцца на баку «свайго», які можа быць і слабейшы, але ідэнтыфікуецца з народам. Тады як Парашэнка застаецца прадстаўніком нялюбай эліты, якая не звяртае ўвагі ні на народ, ні на ўсталяваны таймінг дэбатаў.

Аляксандр Кынеў

На мой погляд, Зяленскі паводзіў сябе інтэлігентна, дэманстраваў выбарцам, што ён стараецца (а гэта для яго галоўнае, паказаць сур'ёзны настрой), і паперы гэтаму нават дапамагалі - нагадваў стараннага студэнта, які сур'ёзна рыхтуецца да працы. Увогуле, выглядаў шчыра, чаго ад яго і чакаюць. Парашэнка істэрыў і крычаў - гэта агітацыя толькі для фан-клуба і больш ні для каго.

Жанна Нямцова

Суб'ектыўная адзнака:

Уладзімір Зяленскі перамог у першым раўндзе. Яго прамова мне падалася мацнейшай і больш пераканаўчай.

Пятро Парашэнка робіць упор на замежнай пагрозе і на Пуціне.

Добрая фраза Зяленскага: я не Ваш апанент, я Ваш прысуд.

Пятро Парашэнка абвінавачвае Зяленскага ў сувязях з Каламойскім.

Пятро Парашэнка кажа, што Зяленскі толькі абгортка. Да гэтага ён называў яго кот у мяшку.

Другі раўнд (спрэчкі кандыдатаў), на мой погляд, за Зяленскім. Абодва ўсталі на калені.

Заключныя прамовы кандыдатаў. Па-мойму, перамога за Зяленскім.

Пятро Парашэнка правільна зрабіў у самым пачатку, што прыйшоў на трыбуну да Зяленскага.

Галоўная яго прэтэнзія - сувязь з Каламойскім. Але гэта гучыць з яго вуснаў непераканаўча праз тое, што ён сам алігарх і кантралюе некалькі ўкраінскіх тэлеканалаў.

Дэбаты - гэта сіла.

Мірная перадача ўлады хутчэй за ўсё адбудзецца і гэта важна.

Аркадзь Кайданаў

Сур'ёзны і галоўны плюс - наяўнасць дэбатаў як факту перадвыбарнай барацьбы.

А змястоўная частка...

Ну, для пачатку можна пазайздросціць і самому факту дэбатаў

Яўген Шастакоў

Заўзятыя дэбаты. Павага ўсім. Дзякую табе, божа, што мая мама ўкраінка.

Міхаіл Козыраў

Галоўны вынік: там - жыццё. Тут - затхлае маркотнае балота...

Аляксандр Марозаў

Моцнае ўражанне. Нічога падобнага ва Усходняй Еўропе не было вельмі даўно. Гэта прама антычная дэмакратыя, "агон". Калі б гэта ў студыі, то не было ўражання такога рысталішча. Украінцы дэманструюць нейкі дзіўны ўрок рэспубліканства.

Аляксей Белякоў

Дэбаты заўзятыя. То бок, не дэбаты, вядома, а батл. Эмоцыі, інтанацыі, жэсты. Але гэта, палітычнае жыццё і барацьба. Прэзідэнта краіны рэзка абрываюць, калі сканчаецца яго час. Прэзідэнта краіны вымушаюць стаць на калені. Не ведаю, што будзе далей з гэтай краінай, але ў іх ёсць усе шанцы, нягледзячы ні на што. Яны жывыя і зухаватыя. Я вельмі спадзяюся, што атрымаецца. А бабуля ў мяне Патапенка, і гэтая краіна мне родная.

Мікіта Ісаеў

Гляджу дэбаты ва Украіне. І радуюся. Радуюся таму, што на нашым заходнім баку (а я лічу Украіну часткай нашага агульнага расейскага дома) хлопцы ўжо гатовыя вось так адкрыта і сумленна секчыся перад сваім народам. Яны звярнулі шыю зладзеявата аўтарытарнаму праўленню 1991-2014 гадоў на Майдане. А цяпер звярнулі і такую ж парашэнкаўскую пяцігодку 2014-2019. І ў нас, у Расеі, таксама няма іншага шляху. Я бачу, як гэта будзе ў нас. Свет здрыганецца. Бо мы, расейцы, вернемся ў гэты вялікі свет. Туды, адкуль мы збеглі ва ўгоду раскрадванню свайго народа, туды, дзе ні адна гармата не будзе страляць без нашага ведама, у той свет, дзе на нас будуць раўняцца, а не паказваць пальцам, туды, дзе будзе годнасць і дастатак нашага вялікага агульнага расейскага народа.

Павел Пранікаў

Пакуль астатняя Расея апускаецца ў бездань Новага Сярэднявечча, маскоўскія статутныя лібералы прыпалі да прамых дэбатаў Зяленскага і Парашэнкі.

(Статусныя лібералы тут - абодва бакі; што ўмоўныя «60 минут», што «Дождь»: усе яны жывуць па-за позвай выжывання аўтахтонаў).

Зразумела, адкуль такая цікавасць да ўкраінскай палітыкі - Расея засумавала па гэтай палітыцы. Тым больш што па той бок калючага дроту ва Украіне ўчорашнія савецкія людзі. Усім цікава, хто да якой ступені развіцця дайшоў. І ім, і нам.

Хоць бы па зародках дэмакратыі таксама цікава: ніводзін прэзідэнт Расеі за чвэрць стагоддзя не ўдзельнічаў у дэбатах. У XXI стагоддзі, калі вы лічыце сябе краінай хоць бы Другога свету (тыпу Бразіліі, ПАР, Турцыі, Мексікі) такое ўжо неймаверна. Думаю, нават ахоўнікі з тых жа «60 минут» і іншай верхавіны ТБ гэта разумеюць. Бегчы з краіны з назапашаным ужо нямодна, і нямодна быць Суданам і Зімбабвэ. Нейкі люфт у пару-тройку гадоў у статусных лібералаў з ТБ ёсць, а далей трэба будзе вырашаць. Альбо перасяляцца ў ахоўныя тантонмакутамі і электрычным дротам пасёлкі, як у Сальвадоры, ці бегчы на «ненавісны Захад».

Лізавета Асяцінская

Класныя дэбаты, паглядзела на адным дыханні. А я, вы ведаеце, сустракала дарослых прымудроных людзей <...>, якія на поўным сур'ёзе сцвярджаюць, што калі ў Расеі правесці такія выбары, то... далей можаце самі "патрэбнае падкрэсліць": краіна разваліцца, наступіць хаос, жах, голад і т. д.

Вось праўда, прама разваліцца?

Сяргей Кальварскі

Не ведаю, хто выйграе, не ведаю, хто з кандыдатаў лепшы для Украіны, але ведаю дакладна - публічная палітыка, гэта вельмі крута і гэта тое, чаго ў нас, на жаль, няма.

Леанід Зубараў

Можа быць калі-небудзь, калі я буду вельмі-вельмі старэнькім, і мы дарасцем да такіх слабенькіх дэбатаў з такімі так сабе кандыдатамі.

Віталь Манскі

Толькі што скончыліся дэбаты, і я зразумеў што ў мяне ёсць мара... убачыць такое ў Расеі. Слава Украіне!