У Менску развіталіся з піяністам-віртуозам Юрыем Блінавым
3- 23.04.2019, 21:52
- 18,916
Юрый Бліноў вядомы не толькі як піяніст, але і як сузаснавальнік футбольнага клуба «Крумкач».
У Свята-Елізавецінскім манастыры Менска прайшло развітанне з сусветна вядомым піяністам Юрыем Бліновым, паведамляе euroradio.fm.
43-гадовы музыка памёр 21 красавіка ў Гомелі падчас полумарафонскага забегу. Мужчына не дабег да фінішу толькі 5 метраў, калі яму стала дрэнна.
Юрый Бліноў - першы беларускі піяніст, які выступіў у Карнэгі-хол. У 17 гадоў ён перамог на конкурсе піяністаў імя Пракоф'ева ў Санкт-Пецярбургу. Лаўрэат шматлікіх міжнародных конкурсаў, быў прэзідэнтам міжнароднай асацыяцыі піяністаў і кампазітараў.
Бліноў вядомы не толькі як піяніст, але і як сузаснавальнік футбольнага клуба «Крумкачы».
Пахаваюць яго на Чыжоўскіх могілках сталіцы.