Еўрапейскія дыетолагі вызначылі 10 самых карысных прадуктаў

Рэгулярнае ўжыванне гэтых прадуктаў прыносіць арганізму чалавека максімальную карысць.

Экспэрты Еўрапейскай асацыяцыі дыетолагаў і гастраэнтэролагаў нагадалі пра тое, што здароўе наўпрост залежыць ад ужытнай ежы. Спецыялістамі былі вызначаныя прадукты з найбольшым патэнцыялам карыснасці, піша healthinfo.ua.

Аўсянка. Крыніца карысных вітамінаў, бялку і мікраэлементаў. Навуковыя даследаванні паказваюць, што ўжыванне аўсянкі аптымізуе працу кішэчніка і паляпшае стан яго мікрафлоры, а гэта ў сваю чаргу з’яўляецца імунамадулятарам для арганізма. Нагадаем, менавіта кішэчнік з'яўляецца найбуйнейшым імунным органам цела.

Рыба і морапрадукты. Рэчывы гэтых прадуктаў карысныя ў плане зніжэння халестэрыну. Паводле наяўных звестак, ужыванне рыбы запавольвае старэнне мозгу і падаўжае жыццё. Людзі, якія ўжывалі рыбу ў ежу мінімум адзін раз на тыдзень, мелі больш нізкую рызыку развіцця хваробы Альцгеймера.

Памідоры. Гэтая карысная гародніна ўтрымлівае антыаксідант лікапін, абалоніну і калій - іх сімбіёз перашкаджае развіццю ў арганізме адразу некалькіх тыпаў раку. Акрамя таго, ужыванне памідораў станоўча ўздзейнічае на сэрцава-судзінную сістэму, дапамагае зніжаць ціск.

Брокалі. Некаторыя навукоўцы характарызуюць брокалі як самую карысную гародніну ў свеце. Брокалі - крыніца сульфарафану, знішчальнік цэлага шэрагу хваробатворных бактэрый, у тым ліку тых з іх, што выклікаюць язву страўніка. Таксама сульфарафан незаменны, на думку медыкаў, у якасці прафілактыкі некаторых відаў злаякасных пухлін страўніка і прастаты. Акрамя таго, сульфафаран паляпшае рэгенерацыю пашкоджаных тканін.

Ківі. Плод ківі адрозніваюцца высокай канцэнтрацыяй поліфенолаў - арганічных раслінных хімікатаў, якія неабходныя раслінам для абароны ад насякомых, грыбкоў і вірусаў. У чалавечым арганізме поліфенолы абараняюць клеткі ад разбуральнага для іх уплыву свабодных радыкалаў, якія могуць пашкодзіць клетачныя мембраны, генетычны матэрыял, ліпіды і бялковыя структуры. Поліфенолы прадухіляюць развіццё язвы страўніка і дванаццаціперснай кішкі, маюць выяўленае супрацьзапаленчае дзеянне, прадухіляюць трамбоз і атэрасклероз.

Вінаград. Гэтая ягада змяшчае 150 звышкарысных для чалавечага арганізма злучэнняў. Цёмны вінаград перашкаджае развіццю рака, а таксама ўтварэнню тромбаў. Злучэнні вінаграду паляпшаюць стан сэрцава-судзіннай сістэмы. Напрыклад, спецыфічнае дзеянне вінаграду палягае ў адчувальным павышэнні ўзроўню антыаксідантаў і колькасным зніжэнні тлушчавых клетак у месцах іх адкладання ў сасудах.

Авакада. Рэгулярнае ўжыванне авакада ўмацоўвае крывяносныя сасуды і сэрца. На думку навукоўцаў, для абароны сасудаў ад характэрных паражэнняў вельмі карысна з'ядаць мінімум па палове авакада тройчы на тыдзень. Акрамя гэтага авакада нармалізуе цукар.

Курыныя яйкі. Іх рэгулярнае ўжыванне карыснае як дзейсны сродак прафілактыкі дыябету і інсульту. Насычаныя кальцыем і лецыцінам яйкі дапамагаюць пазбегнуць заўчаснага старэння. На думку спецыялістаў, варта з'ядаць 4 яйкі на тыдзень.

Часнок. Дзякуючы дзеянню актыўных біякампанентаў часнаку зніжаецца колькасць халестэрынавых бляшак у сасудах, што, у сваю чаргу, нівеліруе рызыкі развіцця захворванняў сэрца. Акрамя таго, ёсць падставы меркаваць, што ўжыванне часнаку валодае супрацьракавым эфектам - прычым у дачыненні адразу некалькіх відаў.

Аліўкавы алей. Ён утрымлівае монаненасычаныя тлустыя кіслоты (МНТК), якія зніжаюць узровень халестэрыну. Навукоўцы раяць ужываць сталовую лыжку алею на дзень - такая звычка, з іх слоў дапамагае падоўжыць жыццё. Аліўкавы алей зніжае крывяны ціск, спрыяе папярэджанню развіцця сардэчнага прыступу.