Беларускі вінзавод разліў прадукцыю ў незвычайную тару

На паліцах крам з'явілася віно ў незвычайнай упакоўцы, падобнай да слоіка смятаны або ёгурту.

На паліцах крам гэты аб'ект аб'ёмам 0,25 л у «ёгуртавай» упакоўцы, падобны да смятаны або ёгурту, з'явіўся ў канцы мінулага года. Але, як і меркавалі маркетолагі Слонімскага вінна-гарэлачнага завода, пакупнік стаў звяртаць на яго ўвагу з надыходам цяпла, паведамляе «Онлайнер».

- Мы ўспомнілі перыяд 5-10-гадовай даўніны - тады гэтая тэма была запушчаная. Таму вырашылі да яе вярнуцца, - распавяла намесніца дырэктара ў камерцыйных пытаннях слонімскага вытворцы Алена Троцкая. - Запусцілі вытворчасць у канцы мінулага года. У кубачках сталі выпускаць два віды мацаваных вінаў.

Пластыкавыя кубачкі - гэта на летні перыяд, для зручнасці піцця, для новага віду. Тэрмін прыдатнасці ў гэтай тары, вядома, карацейшы. Таму пакуль прадукт выпускаецца ў якасці эксперыменту. Каб не было пратэрміноўкі. Высновы рабіць рана: пакуль пазнаёміўся кліент, пакуль рассмакаваў...

- Кліент што-небудзь кажа ў адказ?

- Продажы пачалі паволі расці. Сеткі зацікавіліся. Упакоўка таннейшая атрымліваецца для пакупніка. Але для нас атрымалася дарагавата праз адносна невялікую першую партыю.

- А вам ніхто не казаў, што ўпакоўка віна чымсьці нагадвае дзіцячыя прадукты?

- Ну ён жа стаіць не ў малочным аддзеле...