Як выглядаюць пажары ў Беларусі з космасу
7- 25.04.2019, 11:49
- 20,608
Спадарожнік паказаў маштабы пажараў у нашай краіне.
Сітуацыю з пажарамі ў экасістэмах Беларусі паказвае спадарожнік. Фота размясціў на сваёй старонцы ў Facebook афіцыйны прадстаўнік МНС Віталь Навіцкі, паведамляе «Еўрарадыё».
Найбольш складаная сітуацыя на Палессі - у Берасцейскай і Гомельскай абласцях. У Столінскім раёне трывае ліквідацыя пажару на Альманскіх балотах, ідзе барацьба з пажарам у Нараўлянскім раёне.
Ратавальнікі заклікаюць грамадзян паведамляць пра пажары ў экасістэме ў МНС. Дарэчы, раніцай 25 красавіка ў некаторых раёнах Менска быў прыкметны смог, адчуваўся пах гару. Навіцкі адзначае, што каля сталіцы ўзгаранняў не зафіксавана.