Парашэнка заклікаў ЕЗ у чэрвені ўзмацніць санкцыі супраць РФ

Пра гэта прэзідэнт Украіны заявіў падчас сустрэчы з кіраўніком МЗС Літвы Лінас Лінкявічусам.

Прэзідэнт Украіны Пятро Парашэнка падчас сустрэчы з міністрам замежных спраў Літоўскай Рэспублікі Лінас Лінкявічусам заклікаў ЕЗ узмацніць санкцыі супраць Расеі падчас наступнага перагляду адпаведнага рэжыму ў чэрвені. Пра гэта паведамляе РБК-Украина са спасылкай на Адміністрацыю прэзідэнта Украіны.

Суразмоўцы асудзілі пастанову прэзідэнта Расеі ў пытанні спрошчанай працэдуры выдачы расейскіх пашпартоў грамадзянам Украіны, якія пражываюць на часова акупаваных тэрыторыях Данецкай і Луганскай абласцей. Яны падкрэслілі, што гэта свядомы і нелегітымны крок Крамля, які прама супярэчыць менскім пагадненням і падрывае мірны працэс на Данбасе.

Парашэнка выказаў перакананне, што міжнародная супольнасць павінна жорстка адрэагаваць на такія дэструктыўныя дзеянні РФ падчас сённяшняга пасяджэння Рады Бяспекі ААН, скліканага на ініцыятыву Украіны.