Расейскае рэаліці-шоу «Голас. Дзеці» абвінавацілі ў фальсіфікацыі

Ёсць падозранне, што дачка спявачкі Алсу перамагла ў конкурсе незаслужана.

Першы канал праверыць галасаванне ў фінале рэаліці-шоу "Голас. Дзеці". У праграме, якая прайшла ўвечары 26 красавіка, перамагла Мікела Абрамава, дачка спявачкі Алсу і банкіра Яна Абрамава. Аператарам галасавання былі заўважаныя "анамальнасці" ў размеркаванні галасоў, шоу крытыкуюць за фальсіфікацыю вынікаў галасавання, паведамляе Радыё Свабода.

Пра праверку вынікаў галасавання паведаміў РБК са спасылкай на крыніцы, а потым пацвердзілі ў прэс-службе канала. Увечары ў пятніцу Мікела Абрамава набрала 56,5 адсотка галасоў у фінале шостага сезону праграмы.

Да гэтага яна выбыла з праграмы на папярэднім этапе, але вярнулася ў шоу дзякуючы цікавасці гледачоў галасавання. У фінал яе не ўзяла ўкраінская спявачка Святлана Лабада, пасля фіналу яе прадусарка напісала ў інстаграме, што праграма "Голас" для яе скончаная. "Я шчаслівая, што ў нас былі нашы дзеці: чыстыя, таленавітыя, сумленныя, – напісала яна. – Я многае магла б сказаць, але прамаўчу".

Раніцай у эфіры Першага канала не паказалі дакументальны фільм "Голас. На самай высокай ноце", у якім павінна было быць расказана пра пераможцу шоу (вялікая частка праграмы запісваецца загадзя, інфармацыя пра пераможцу мантуецца адразу пасля падвядзення вынікаў галасавання). Канал не стаў каментаваць змяненне ў сетцы тэлевяшчання, паведамляе ТАСС. У агенцтве адзначылі, што пяць папярэдніх сезонаў праграмы фільм выходзіў на наступную раніцу пасля фіналу.

Першы канал не каментуе, у чым заключаецца магчымая анамальнасць галасавання ў фінале і ці звязаная яна з Абрамавай. У ананімным тэлеграм-канале "Свецкія хронікі" сцвярджаюць, што за пераможцу маглі прагаласаваць у вайсковых частках у Екацерынбургу. Вынік пераможцы ў шостым сезоне – высокі, але не анамальны, адзначае выданне "Медуза". У той самы час крыніца РБК адзначыла, што галасаванне магло "мадэравацца на карысць аднаго з удзельнікаў".

Музычнае шоу "Голас. Дзеці" на Першым канале – расейская версія міжнароднага дзіцячага праекта The Voice. Kids, які здымаецца ў Расеі праз ліцэнзію. Паводле звестак Mediascope, гэта самая папулярная забаўляльная праграма на расейскім тэлебачанні. Удзельнікі спаборнічаюць, хто з іх лепш спявае – прэтэндэнтаў на перамогу спачатку адсейвае прафесійнае журы, а потым – галасаванне гледачоў.