Пучдэмону не дазволілі ўдзельнічаць у выбарах у Еўрапарламент

ЦВК Гішпаніі адмовіла былому кіраўніку ўрада Каталоніі.

Цэнтральная выбарчая камісія Гішпаніі адмовіла былому кіраўніку ўрада Каталоніі Карлес Пучдэмону ў праве балатавацца на выбарах у Еўрапарламент. Пра гэта паведамляе korrespondent.net са спасылкай на EFE ў панядзелак, 29 красавіка.

Адзначаецца, што такія ж пастановы ЦВК прыняў у дачыненні да былых дарадцаў урада Пучдэмона - Антоні Комін і Клары Пансаці.

Такім чынам, ЦВК Гішпаніі падтрымаў скаргі, пададзеныя Народнай і Грамадзянскай партыямі. Прычына адмовы звязана з тым, што яны не знаходзяцца на тэрыторыі Гішпаніі, хаваючыся ад гішпанскага правасуддзя пасля таго, як 27 кастрычніка 2017 года яны падтрымалі аднабаковае абвяшчэнне незалежнасці Каталоніі.

Пучдэмон, Комін і Пансаці планавалі выступіць на еўрапейскіх выбарах ад каталонскай партыі Разам за Каталонію ў рамках блока Свабодныя за Еўропу.

Як вядома, выбары ў Еўрапарламент пройдуць 23-26 траўня.