Ізраільскі зонд перадаў сваё першае фота таго боку Месяца

Карабель рыхтуецца здзейсніць пасадку ў месячнае Мора Ціхамірнасці.

Ізраільскі пасадачны месячны апарат Beresheet даслаў здымкі, якія зрабіў падчас манеўру выхаду на калямесячную арбіту.

Карабель рыхтуецца здзейсніць аўтаномную пасадку ў месячнае Мора Ціхамірнасці вечарам 11 красавіка, піша israelnationalnews.com.

Паводле паведамлення прадстаўнікоў каманды інжынераў SpaceIL і Israel Aerospace Industries (IAI), карабель сфатаграфаваў і перадаў на Зямлю ўражальныя краявіды Месяца, зрабіўшы гэта падчас працы рухавікоў, у працэсе складанага манеўру, які ўмоўна называюць «месячным захопам».

Фатаграфіі раскрываюць перад даследнікамі па-сапраўднаму ўнікальныя краявіды месячнай паверхні ў перспектыве, якую немагчыма ўбачыць з Зямлі. Фотаздымкі былі зробленыя чацвёртай перыферыйнай камерай Beresheet, з вышыні 470 км над паверхняй Месяца.

Дадамо, 4 красавіка карабель паспяхова выканаў самы важны манеўр за час палёту на Месяц: выхад на месячную арбіту, які дазваляе апарату ўвайсці ў гравітацыю нашага натуральнага спадарожніка (месячны захоп) і пачаць зніжэнне перад пасадкай. Мяркуючы з апошніх звестак, палёт прадаўжаецца ў штатным рэжыме, усе сістэмы працуюць нармальна.

SpaceIL прыступіла да распрацоўкі Beresheet у 2012 годзе пасля перамогі ў конкурсе Lunar XPrize. Мяркуецца, што месяцаход зможа праехаць па паверхні Месяца не менш за 500 м. Зонд нясе на сабе шэсць 8-мегапіксэльных каляровых камер, магнітаметр, лічбавую капсулу часу і лазерныя кутнікавыя адбівальнікі.