9 красавіка 1921 года ў Турцыі адкрылася консульства БНР

Генеральным консулам быў прызначаны палкоўнік Іван Ермачэнка.

9-га красавіка 1921 года палкоўнік Іван Ермачэнка, былы ад'ютант генерала Урангеля, быў прызначаны генеральным консулам Беларускай Народнай Рэспублікі ў Канстанцінопалі (цяпер Стамбул, Турцыя), паведамляе «Радыё Рацыя».

У сферы адказнасці генеральнага консула знаходзіліся ўсе Балканы. Беларускія консульскія аддзелы былі заснаваныя таксама ў Сербіі і Балгарыі.

Пасля ад'езду Івана Ермачэнкі консульства ўзначаліў Ігар Аўчыннікаў. Беларускае консульства ў Канстанцінопалі прапрацавала да 1923 года.

Архівы консульствa цяпер захоўваюцца ў Дзяржаўным Архіве Расейскай Федэрацыі (Масква).