Зяленскі: Мы вельмі чакаем нашых хлопцаў дома
9- 25.05.2019, 15:32
- 15,501
Прэзідэнт Украіны заявіў, што вызваленне маракоў можа быць сігналам аб гатоўнасці РФ да міру.
Прэзідэнт Украіны Уладзімір Зяленскі заявіў, што выкананне Расеяй загаду трыбунала ААН аб вызваленні ўкраінскіх маракоў і караблёў можа стаць першым сігналам пра гатоўнасць да спынення «канфлікту» з Украінай.
Пра гэта ён напісаў у суботу ў "Фэйсбуку".
«Выкананне РФ загаду Міжнароднага трыбунала ААН аб вызваленні захопленых украінскіх маракоў і караблёў можа стаць першым сігналам з боку расейскага кіраўніцтва аб рэальнай гатоўнасці да спынення канфлікту з Украінай», - адзначыў Зяленскі.
На яго думку, такім чынам Расея можа зрабіць крок да «разблакоўвання перамоў і развязання створаных ёю праблем цывілізаваным спосабам».
«Паглядзім, які шлях выберуць у Крамлі. Але мы вельмі чакаем нашых хлопцаў дома!», - дадаў ён.