Расейцы ладзяцца вазіць нафту на «Нафтан» чыгункай
5- 25.05.2019, 18:59
- 16,289
Наваполацкі НПЗ спрабуюць заладаваць на 100%.
Расейцы ладзяцца вазіць нафту на «Нафтан» чыгункай. Гэта мае дапамагчы заладаваць магутнасці нафтаперапрацоўчага завода на 100%, інфармуе БелТА. Намеснік беларускага прэм'ер-міністра Ігар Ляшэнка распавёў пра тое, што расейская старана на працягу тыдня адпрацуе пастаўкі нафты чыгункай.
Як вядома, праблемы паўсталі ў красавіку пасля з'яўлення ў трубаправодзе "Дружба" тандэтнай нафты. Беларускія нафтаперапрацоўчыя заводы вымушаныя былі знізіць заладоўванне сваіх магутнасцяў. Мазырскі НПЗ ужо забяспечаны якаснай нафтай, а вось для "Нафтана" часова даводзіцца шукаць альтэрнатыўныя варыянты. Ляшэнка адзначыў, што тэхнічныя магчымасці для прыймання нафты чыгункай ёсць.