Вакарчук пра прэзідэнцкія амбіцыі: Усяму свой час
1- 25.05.2019, 19:27
- 9,971
Лідар украінскай партыі «Голас» адказаў на пытанне, чаму не стаў балатавацца ў прэзідэнты.
Пра гэта Cвятаслаў Вакарчук паведаміў падчас візіту на Кніжны Арсенал, паведамляе «Громадське».
На пытанне аднаго з наведвальнікаў, чаму ён не пайшоў у прэзідэнты Украіны, Вакарчук адказаў: «Усё будзе ў свой час. Цяпер парламент больш важна».
Сёння, 25 траўня, на Кніжным Арсенале ў Кіеве вядомыя дзеячы зачытвалі лісты ўкраінскіх палітвязняў у РФ.
Нагадаем, 16 траўня на Старакіеўскай гары ў Кіеве Вакарчук абвясціў, што ідзе на парламенцкія выбары, прадставіўшы сваю партыю «Голас».
Паводле ягоных слоў, партыя «Голас» ідзе ў парламент, каб «знішчыць старую палітыку і ствараць палітыку новую. Палітыку, якая прынясе нам сапраўдныя змены». У інтэрв'ю НВ ён удакладніў, што яго пастанова з'яўляецца канчатковай і на яе «нішто не можа паўплываць».